رەسەيدەن كەلگەن ەكى دارىگەر ورالداعى اۋرۋحاناعا جۇمىسقا قابىلداندى

3499
Adyrna.kz Telegram

رەسەيدەن كەلگەن ەكى دارىگەر ورالداعى اۋرۋحاناعا جۇمىسقا قابىلداندى. ولارعا ورالدىق اۋرۋحانالار 500-600 مىڭ تەڭگە كولەمىندە جالاقى تولەۋگە دايىن. ويتكەنى وڭىردە حيرۋرگتار، انەستەزيولوگ-رەانيماتولوگتار جەتىسپەيدى،  دەپ حابارلايدى ”ادىرنا” ۇلتتىق پورتالى.

اstanatv.kz ارناسىنىڭ مالىمەتىنشە، وبلىستىق جۇقپالى اۋرۋلار اۋرۋحاناسىنىڭ ديرەكتورى ناديا احمەتوۆانىڭ ايتۋىنشا، قازىر رەسەيدەن كەلگەن ەكى دارىگەر – ەندوسكوپيست پەن ينفەكتسيونيستىڭ قۇجاتتارى راسىمدەلىپ جاتىر. ءۇشىنشى مامان شەكارادا تۇر دەيدى. ونىڭ دا قۇجاتتارى رەتتەلگەن سوڭ، جۇمىسقا كىرىسپەك. بارلىق پروتسەدۋرا زاڭعا سايكەس جۇرگىزىلۋدە. اۋرۋحانا باسشىلىعى   جاڭا قىزمەتكەرلەردىڭ تۇرمىستىق ماسەلەسىن شەشۋگە دە تىرىسامىز دەپ وتىر.

 “جۇمىس وتىلدەرى بار: بىرەۋىندە – 8 جىل، بىرەۋىندە – 12 جىل، شەكارادان كەلەتىنىندە 15 جىل بار. ءبىزدىڭ بەرەتىن جالاقىنى ولاردىڭ العان جالاقىسىمەن سالىستىرعانداي بىردەي بولىپ تۇر. سوندىقتان ءبىزدىڭ جالاقى ولاردىڭ جالاقىسىنان تۇك تە از ەمەس. ساپالى جۇمىس ىستەسەڭ، تولىق جۇمىستانساڭ، جالاقى دا بولادى، ءبارى دە بولادى”،- دەدى بقو جۇقپالى اۋرۋلار اۋرۋحاناسىنىڭ ديرەكتورى ناديا احمەتوۆا.

پىكىرلەر