تانىمال تەلەجۇرگىزۋشى يرينا تەن Instagram-داعى پاراقشاسىندا «مامبەت» ءسوزىنىڭ ماعىناسىن ءتۇسىندىرىپ، جازبا جاريالادى، دەپ حابارلايدى “ادىرنا” ۇلتتىق پورتالى.
«قازاق ءتىلى - مامبەتتەردىڭ ءتىلى. ول راس. «مامبەت» ءسوزىنىڭ ماعىناسىن تۇسىنە بىلگەنگە. قازىرگى جاستاردىڭ ساناسىنا «مامبەت» دەگەن ءسوز ءبىر قاراڭعىلىقتىڭ، ناداندىقتىڭ بالاماسى بولىپ قابىلداناتىنى جاسىرىن ەمەس. اۋىلدان كەلگەن بولسا، كەز كەلگەن بىرەۋ ءسال مادەنيەتسىزدىك تانىتسا، ورىسشاعا ءتىلى ءسال شورقاق بولىپ جاتسا، ءتىپتى جول ەرەجەسىن بۇزسا بەيتانىس بىرەۋدى وسىلاي اتاي سالاتىندار بار.
ەندەشە، بىلمەگەندەرمەن بولىسەيىن، بىلەتىندەردىڭ ەسىنە سالايىن.
«مامبەت – مۇحاممەد (س.ع.س.) پايعامباردىڭ قۇرمەتىنە قويىلعان ەسىم. ءسوز ءتۇبىرى ارابتىڭ «ءحامد» ماقتاۋ سوزىمەن توركىندەس. «ءمۇحامماد»، «ءاحماد» سوزدەرى ماقتاۋلى، ماداقتاۋلى دەگەن ماعىنانى بىلدىرەدى».
ال تاريحتا ءۇش ءجۇزدىڭ باسىن قوسىپ، ەل باستاعان ابىلاي حاننىڭ سەنىمدى سەرىگى بولعان مامبەت باتىر كۇنباسۇلىنىڭ، سىر ەلىنە اتى بەلگىلى مامبەت اۋليە ولجابايۇلىنىڭ ەسىمدەرى كەزدەسەدى. ونى ءبىرى ەستىسە، ەكىنشىلەرى مۇنداي ادامداردىڭ بولعانىنان دا بەيحابار.
كىم دە كىم ەكىنشى بىرەۋدى كەمسىتۋ، تومەندەتۋ ماقساتىندا «مامبەت» دەپ اتاسا، ءوزىنىڭ بىلىمسىزدىگىن الەمگە پاش ەتكەنى دەيدى. الەم دەمەي اق قويساق تا، وزىنە جانە «قارسىلاسىنا» كىمنىڭ شىنىمەن قاراڭعى ەكەنىن ءتۇسىنۋىن جەڭىلدەتەدى. سونىمەن، قازاق ءتىلى - مامبەتتەردىڭ ءتىلى»، - دەپ جازدى جۋرناليست.
