TikTok جەلىسى استانادا وكىلدىگىن اشادى. بۇل تۋرالى TikTok-تىڭ ەۋروپاداعى مەملەكەتتىك ساياسات جونىندەگى ۆيتسە-پرەزيدەنتى تەو بەرترام مالىمدەدى، دەپ حابارلايدى “ادىرنا” ۇلتتىق پورتالى.
كومپانيا وكىلى «حابار 24» تەلەارناسىنداعى President باعدارلاماسىنىڭ اۆتورىنا قازاقستاندىق بلوگەرلەر مەن كونتەنت جاساۋشىلاردىڭ كرەاتيۆتى ەكەنىن ايتتى. TikTok ولاردى پلاتفورمامەن قامتاماسىز ەتە الادى، ەل اۋماعىنان تىس اۋديتورياعا دا شىعۋعا كومەكتەسەدى.
بۇعان دەيىن تەو بەرترام استانادا وتكەن Digital Bridge حالىقارالىق تەحنولوگيالىق فورۋمىنا قاتىسقان بولاتىن. وندا ول قازاقستانداعى تسيفرلىق ەكونوميكانىڭ ءوسۋى – ەل بولاشاعى دەگەندەي ويمەن ءبولىستى.
”مەنىڭ ويىمشا، قازاقستاننىڭ بولاشاعى ماڭىزدى تاقىرىپ. ەلدەگى تسيفرلىق ەكونوميكانى دامىتۋ مۇمكىندىگى تۋرالى شىنىمەن دە شابىتتاندىراتىن جانە اسەرلى پىكىرتالاستار بولدى”، – دەدى تەو بەرترام Akorda.Live باعدارلاماسىنىڭ جۇرگىزۋشىسىنە.
ۆيتسە-پرەزيدەنتتىڭ ايتۋىنشا، ول قاسىم-جومارت توقاەۆپەن TikTok كونتەنت جاساۋشىلارعا پلاتفورمانى قالاي ۇسىنا الاتىنى تۋرالى اڭگىمەلەسكەن. بەرترام ەل ۇكىمەتىىڭ شىنىمەن تسيفرلىق بولاشاقتى قالاي وڭتايلى قۇرۋعا باعىتتالعانىن تۇسىنگەندىگىن ايتتى.
