سولتۇستىك كورەيا جىبەرگەن زىمىران جاپونيا جەرىنە ءتۇستى

6068
Adyrna.kz Telegram

كحدر جىبەرگەن بالليستيكالىق زىمىران سولتۇستىك جاپونيا ايماعىندا جارىلعاننان كەيىن توكيو شۇعىل ۇلتتىق قاۋىپسىزدىك كەڭەسىن وتكىزدى، - دەپ حابارلايدى "ادىرنا" ۇلتتىق پورتالى. 

ۇلتتىق قاۋىپسىزدىك كەڭەسى قازىر كارىس حالىقتىق-دەموكراتيالىق رەسپۋبليكاسى باعىتتاعان بالليستيكالىق زىمىراننىڭ قۋاتى مەن كەلتىرگەن زارارىن زەرتتەپ جاتىر. زىمىراننىڭ قاۋپىن زەرتتەپ جاتقاندار قاتارىنا وڭتۇستىك كورەيا مەن اقش قاۋىپسىزدىك كوميتەتى دە قوسىلعان.

مينيسترلىكتىڭ باس حاتشىسى حيروكادزۋ ماتسۋنونىڭ ايتۋىنشا، ۇرىس زىمىرانى جاپونيانىڭ توحوكۋ اۋدانىن كەسىپ ءوتىپ، تىنىق مۇحيتىندا جارىلعان.

Youhap اگەنتتىگىنىڭ حابارلاۋىنشا، زىمىران سناريادى جاپون تەڭىزىندە جارىلىپ، ونىڭ سالدارىنان ەلدە توتەنشە جاعدايلارعا ارنالعان قۇرىلعى ىسكە قوسىلعان. قازىر سولتۇستىك ايماقتاعى تۇرعىنداردى ارنايى عيماراتتار مەن جەرتولەلەرگە جايعاستىرۋ جالعاسىپ جاتىر.

- بۇل وسىمەن سولتۇتىك كورەيانىڭ ۇشىرعان جيىرما ءۇشىنشى زىمىرانى، - دەيدى جاپون قاۋىپسىزدىك كەڭەسىنىڭ ماماندارى. .

"ادىرنا" ۇلتتىق پورتالى

 

پىكىرلەر