«قوعامدىق كەلىسىم» كمم قازاقستان حالقى اسسامبلەياسىنىڭ اقپاراتتىق- ناسيحاتتاۋ توبى قر پرەزيدەنتى ق.توقاەۆتىڭ قازاقستان حالقىنا جولداۋىن حالىققا ءتۇسىندىرۋ جۇمىستارىن جۇرگىزۋدە. قازاننىڭ بەسى كۇنى اقپاراتتىق-ناسيحات توبى قالاداعى «اياز» جشس ۇجىمىمەن كەزدەستى.
بقو قحا قوعامدىق كەلىسىم كەڭەسىنىڭ توراعاسى امانگەلدى داۆلەتجانوۆ پەن ەتنومادەني جانە قوعامدىق بىرلەستىكتەر جۇمىسى بويىنشا ءبولىم باسشىسى ينەسسا توبولەۆا سەرىكتەستىك جۇمىسشىلارىمەن جۇزدەسىپ، پرەزيدەنت اتاعان كوپتىڭ كوكەيىندە جۇرگەن وزەكتى ماسەلەلەردى شەشۋدىڭ جولدارىن جەتكىزدى.
– مەملەكەت باسشىسى ق.توقاەۆ ءوز جولداۋىندا كوپتەگەن ماسەلە كوتەردى. جولداۋدا جاڭا قازاقستان بولاشاقتا قاي باعىتقا بەت بۇراتىنى تۋرالى ناقتى ايتىپ، وسى باعىتتا ناقتى مىندەتتەر قويدى. بۇدان بۇرىن قوعامدىق كەڭەستىڭ ۇلكەن جيىنى ءوتىپ، وبلىستىق قوعامدىق كەڭەس مۇشەلەرى جەتى توپقا ءبولىنىپ، ءار سالا بويىنشا تۇسىنىك جۇمىستارىن جۇرگىزۋدى باستاپ كەتتىك، ونىمەن قاتار ازاماتتاردىڭ تۇرمىسىن ارتتىرىپ، ەل ەكونوميكاسىنا ەكپىن بەرەتىن باعىتتاردى دا ايقىنداپ بەردى. قاراپايىم حالىقتىڭ دا كۇتكەنى – وسى، – دەي كەلىپ، جولداۋدىڭ نەگىزگى باعىتتارىنا توقتالدى.
ءوز كەزەگىندە «اياز» جشس ديرەكتورى امانگەلدى ەرمەكقاليەۆ قازىرگى تاڭدا جەڭىل ونەركاسىپپەن اينالىساتىن وتىزدان اسا جۇمىسشىسى بار سەرىكتەستىكتىڭ تولعاقتى ماسەلەلەرى تۋرالى اشىپ ايتتى. امانگەلدى شمانعاليۇلىنىڭ ايتۋىنشا، بۇگىندە اۋىلداعى اعايىن ءتورت تۇلىگىن كوبەيتتى. دەگەنمەن، تۇرعىندار باعىپ وتىرعان مالىنىڭ ەتىن عانا ساۋدالايدى. مالدىڭ تەرىسى، قويدىڭ ءجۇنى ونداعان جىلدان بەرى كەرەكسىز تاۋار بولىپ قالعان. اۋىلداعى مال باققان اعايىن جىلىنا ەكى رەت قىرقىپ الاتىن قويىنىڭ ءجۇنىن دالاعا تاستايدى. سەبەپ بىرەۋ – ءجۇن الاتىن ورىندار جوق، بولسا دا ءجۇن باعاسى وتە ارزان. قالاعا الىپ كەلىپ، تاپسىرعان ۋاقىتى مەن شىعىنىنا تۇرمايدى. مال تەرىسى دە سولاي – سوعىم ناۋقانىندا سيىر تەرىسى ساۋدالاناتىنى بولماسا، قالعان تەرىنىڭ قىزىعىن يت-قۇس كورىپ جاتىر. سوندىقتان قايتا وڭدەۋ كاسىپورنىنا شيكىزات قات. سالانى دامىتۋ ءۇشىن جاڭا باعدارلاما قاجەتىن قانشا جىلدان بەرى ماسەلە ەتىپ كوتەرىپ جۇرگەنىمەن ەش ناتيجە جوق.
ونىمدەرىن ەلىمىزدەن بولەك، الىس-جاقىن شەتەلدەرگە تاراتىپ كەلگەن بايىرعى مەكەمەنىڭ قازىرگى جاعدايىن باعامداعان قوعامدىق كەلىسىم كەڭەسىنىڭ توراعاسى امانگەلدى داۆلەتجانوۆ ۇكىمەت تاراپىنان ارنايى باعدارلاما كەرەگىن ايتىپ، ماسەلەنى قۇزىرلى ورگاندارعا جەتكىزەتىنىن ايتتى.
