«Qoǧamdyq kelısım» KMM Qazaqstan halqy Assambleiasynyŋ aqparattyq- nasihattau toby QR Prezidentı Q.Toqaevtyŋ Qazaqstan halqyna Joldauyn halyqqa tüsındıru jūmystaryn jürgızude. Qazannyŋ besı künı aqparattyq-nasihat toby qaladaǧy «AIаZ» JŞS ūjymymen kezdestı.
BQO QHA Qoǧamdyq kelısım keŋesınıŋ töraǧasy Amangeldı Davletjanov pen etnomädeni jäne qoǧamdyq bırlestıkter jūmysy boiynşa bölım basşysy İnessa Toboleva serıktestık jūmysşylarymen jüzdesıp, Prezident ataǧan köptıŋ kökeiınde jürgen özektı mäselelerdı şeşudıŋ joldaryn jetkızdı.
– Memleket basşysy Q.Toqaev öz Joldauynda köptegen mäsele köterdı. Joldauda Jaŋa qazaqstan bolaşaqta qai baǧytqa bet būratyny turaly naqty aityp, osy baǧytta naqty mındetter qoidy. Būdan būryn Qoǧamdyq keŋestıŋ ülken jiyny ötıp, oblystyq Qoǧamdyq keŋes müşelerı jetı topqa bölınıp, är sala boiynşa tüsınık jūmystaryn jürgızudı bastap kettık, onymen qatar azamattardyŋ tūrmysyn arttyryp, el ekonomikasyna ekpın beretın baǧyttardy da aiqyndap berdı. Qarapaiym halyqtyŋ da kütkenı – osy, – dei kelıp, Joldaudyŋ negızgı baǧyttaryna toqtaldy.Öz kezegınde «AIаZ» JŞS direktory Amangeldı Ermekqaliev qazırgı taŋda jeŋıl önerkäsıppen ainalysatyn otyzdan asa jūmysşysy bar serıktestıktıŋ tolǧaqty mäselelerı turaly aşyp aitty. Amangeldı Şmanǧaliūlynyŋ aituynşa, bügınde auyldaǧy aǧaiyn tört tülıgın köbeittı. Degenmen, tūrǧyndar baǧyp otyrǧan malynyŋ etın ǧana saudalaidy. Maldyŋ terısı, qoidyŋ jünı ondaǧan jyldan berı kereksız tauar bolyp qalǧan. Auyldaǧy mal baqqan aǧaiyn jylyna ekı ret qyrqyp alatyn qoiynyŋ jünın dalaǧa tastaidy. Sebep bıreu – jün alatyn oryndar joq, bolsa da jün baǧasy öte arzan. Qalaǧa alyp kelıp, tapsyrǧan uaqyty men şyǧynyna tūrmaidy. Mal terısı de solai – soǧym nauqanynda siyr terısı saudalanatyny bolmasa, qalǧan terınıŋ qyzyǧyn it-qūs körıp jatyr. Sondyqtan qaita öŋdeu käsıpornyna şikızat qat. Salany damytu üşın jaŋa baǧdarlama qajetın qanşa jyldan berı mäsele etıp köterıp jürgenımen eş nätije joq. Önımderın elımızden bölek, alys-jaqyn şetelderge taratyp kelgen baiyrǧy mekemenıŋ qazırgı jaǧdaiyn baǧamdaǧan Qoǧamdyq kelısım keŋesınıŋ töraǧasy Amangeldı Davletjanov Ükımet tarapynan arnaiy baǧdarlama keregın aityp, mäselenı qūzyrly organdarǧa jetkızetının aitty.
