ۆلاديمير زەلەنسكي كۋريل ارالدارىنىڭ تورتەۋىن جاپونياعا تيەسىلى ەكەندىگىن مويىنداپ، ارنايى قۇجاتقا قول قويدى، دەپ حابارلايدى "ادىرنا" ۇلتتىق پورتالى.
زەلەنسكي بۇل جايلى ءوز ۆيدەوۇندەۋىندە ايتتى. ونىڭ پىكىرىنشە، كۋريل ارالدارى رەسەيدىڭ وككۋپاتسياسى عانا.
"ادىلەتتى ءارى زاندىق نەگىزدە عاجاپ قادام. تاريحي قادام. ۋكراينا جاپونيانىڭ تەرريتوريالىق تۇتاستىعىن ساقتاۋعا قاتىستى ءوزىنىڭ قۇرمەتىن تانىتتى. ءبىز ۋاقىتشا رەسەيدىڭ وككۋپاتسياسىندا قالعان ارالداردىڭ جاپونياعا تيەسىلى ەكەندىگىن مويىندايمىز", - دەدى ۋكراينا باسشىسى.
سونىمەن قاتار، ۋكراينا بيلىگى حالىقارالىق قاۋىمداستىقتاردى قولدان كەلگەنشە جاپونيانىڭ سولتۇستىك ايماقتارىن قورعاۋعا، ولاردى جاپونيانىڭ قاراماعىندا ەكەندىگىن تانىپ، زاڭدىق-قۇقىقتىق نەگىزدە شەگەندەۋگە شاقىردى.
"ادىرنا" ۇلتتىق پورتالى
