الەۋمەتتىك جەلىدە قازاقستان سپورت قاۋىمداستىعى اتىنان سويلەگەن ازاماتتىڭ قازاقشا قويىلعان سۇراقتى تۇسىنبەي، ءجۋرناليستى "برات" دەپ اتاپ، وزىنە ورىسشا سۇراق قويۋىن تالاپ ەتكەن ۆيدەوسى تاراپ جاتىر. بۇل جايلى "ادىرنا" ۇلتتىق پورتالى جازدى.
وقيعا جايلى جەلى قولدانۋشىسى داستان مىرزا حابارلادى. اۆتور ءوز جازباسىندا شاعىن سۇحباتتى تالداپ، وقىرماندارعا وي سالدى:
"قازاقستان سپورت قاۋىمداستىعىنانبىز دەپ قويادى. كىشكەنە عانا بەينەدەن نە بايقادىڭىز؟1. قازاق ءتىلىن ومىرىندە كەرەك ەتپەگەنى قۇرىسىن ءنول بىلمەيتىندىگى. ەڭ ازى ادامدا گەنەتيكالىق جادى دەگەن بولماي ما؟ جوق دەگەندە قاراعۇسوۆاعا ۇقساپ ءبىر-ەكى اۋىز ءسوزدى بىلدىرلاتىپ، بىردەڭە دەسە دە بولار ەدى عوي. مىنانىڭ تەك سىرتقى بەت-الپەتى قازاق پا سوندا؟ قورقىنىشتى.2. بەيتانىس ادامعا قوعامدىق سۇحباتتا رەسمي تۇلعا رەتىندە دىكەڭدەپ، سەنسىرەپ سويلەۋى مادەنيەت، ەتيكا، سۋبورديناتسيا دەڭگەيىنەن حابار بەرىپ تۇر. جالپى بىزدەگى جوعارعى قىزمەتتەگى كوپتەگەن ادامدار سونداي. "برات" دەپ قويادى عوي، مىناعان تەك فەنيامەن سويلەۋ قالىپ تۇر، ەندى. تىكات بۋدەتە سۆوەمۋ درۋگۋ، ا پوچەمۋ تاك رازگوۆاريۆاەتە؟ دەپ قارسى سۇراق قويعاندا رەاكتسياسى قانداي بولار ەدى. سول جاعى قىزىق.3. بۇل جاعداي نەگىزى كۇلەتىن نارسە ەمەس، وسىنداي ادامدار ءبىزدىڭ تاعدىرىمىزدى شەشىپ، ەل باسقارىپ جۇرگەسىن نە دەيسىڭ. ارينە سوسىن كونستيتۋتسيامىزدان ورىس ءتىلى الىنبايدى. مىنا قارقىنمەن قازاق ءتىلى ءازىر ۇشپاققا شىعا قويماس. پوزور دا ي تولكو", - دەپ جازدى جەلى قولدانۋشىسى.
وقىرماندار اراسىندا سۇحبات بەرۋشىنىڭ ارەكەتىن سىنعا الىپ، ءتىپتى، ونىڭ قۇقىقتىق نورمانى بۇزعانىن ايتىپ جاتقاندار دا بار.
"دۇمشە، ماڭگۇرت. قىرت ورىس بوپ كەتكەن عوي مىناۋىڭ", "زاڭ بۇزىپ تۇر. زاڭ بويىنشا ورىسشا سويلەۋدى تالاپ ەتۋگە بولمايدى. تۇسىنبەيسىڭ بە، اۋدارماشى جالدا. شىعىندان", "ەگەر وسىلارعا “بايلىعىڭدى تارتىپ الام” دەپ قازاقشا ايتشى، بىردەن تۇسىنەدى", "جانە بۇلار قازاق تىلىندە سويلەگەن ادامدى ادام دەپ سانامايدى", "شەشەسى كىنالى ەڭ اۋەلى!" دەگەن سىندى پىكىرلەر قارشا بوراۋدا...
"ادىرنا" ۇلتتىق پورتالى
