بۇگىن شىمكەنت قالاسىنىڭ وڭىرلىك كوممۋنيكاتسيالار قىزمەتىندە قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ شىمكەنت قالاسى بويىنشا فيليالىنىڭ ديرەكتورى نىسانباەۆ ادىلەت ادىلبەكۇلى بريفينگ بەردى.
«2022 جىلى ماگيستراتۋرالىق ءبىلىم بەرۋ باعدارلاماسى بويىنشا ءبىلىم الۋعا 65 مەملەكەتتىك قىزمەتشى قۇجات تاپسىردى، بۇل وتكەن جىلعى كەزەڭمەن سالىستىرعاندا 3 ەسە كوپ بولدى، سەبەبى بيىل وقۋعا قابىلداۋ تالاپتارىنان اعىلشىن ءتىلىن وقىعاندىعى جونىندەگى ءبىلىمى تۋرالى سەرتيفيكات تاپسىرۋ الىنىپ تاستالىندى. قاتاڭ كونكۋرستىق ىرىكتەۋ ناتيجەسىندە، 65 ۇمىتكەردىڭ ىشىنەن وقۋعا تەك 4 مەملەكەتتىك قىزمەتشى قابىلداندى.
وقىتۋدان وتكەن مەملەكەتتىك قىزمەتشىلەرمەن كەرى بايلانىستى كۇشەيتۋ ماقساتىندا فيليال قايتا دايارلاۋ كۋرستارىنىڭ جانە بىلىكتىلىكتى ارتتىرۋ سەمينارلار باعدارلامالارىنىڭ ساپاسىن جوعارىلاتۋ مەن مەملەكەتتىك قىزمەتكەرلەر جۇمىسىنىڭ تيىمدىلىگىن ارتتىراتىن قۇزىرەتتەردى دامىتۋعا قايتا باعدارلاۋ ماقساتىندا پوستمونيتورينگ جۇرگىزىلىپ وتىرادى»،- دەدى فيليال باسشىسى.
قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ شىمكەنت قالاسى بويىنشا فيليالى مەملەكەتتىك قىزمەتشىلەر مەن اكىمشىلىك قىزمەتكەرلەردىڭ بىلىكتىلىگىن ارتتىرۋ سەمينارلارى مەن قايتا دايارلاۋ كۋرستارىن قازاقستان رەسپۋبليكاسى ۇكىمەتىنىڭ 2018 جىلعى 15 ناۋرىزداعى №125 قاۋلىسىنا سايكەس جانە مەملەكەتتىك قىزمەتشىلەردىڭ سارالاناتىن، نەگىزگى قۇزىرەتتەرىنىڭ بىرىڭعاي شەڭبەرىنە نەگىزدەلگەن، تاجىريبەگە باعدارلانعان وقۋ باعدارلامالارى ارقىلى جۇزەگە اسىرادى.
مەكەمەنىڭ اعىمداعى جىلعى 8 ايىندا اتقارعان جۇمىستارىنا توقتالعان سپيكەر، فيليال بازاسىندا جىل باسىنان بەرى 481 ادامنىڭ 5 قايتا دايارلاۋ كۋرستارى مەن 19 سەميناردا وقىتىلۋى جوسپارلانعان بولسا، بۇگىنگى كۇنگە دەيىن ناقتى 660 مەملەكەتتىك قىزمەتشىلەر 31 بىلىكتىلىكتى ارتتىرۋ سەمينارلارى مەن 5 قايتا دايارلاۋ كۋرستارىنان وتكەن. ءوز كەزەگىندە قالامىزدىڭ مەملەكەتتىك جانە اكىمشىلىك لاۋازىمدى قىزمەتكەرلەرى جوعارى بىلىكتى كاسىبي مامان رەتىندە قالىپتاسىپ، العان بىلىمدەرىنىڭ ارقاسىندا ءوز سالاسىندا جوعارى قۇزىرەتتىلىگى بار مامان بولۋىنا، سونداي-اق، ولاردىڭ ەڭبەك نارىعىندا باسەكەگە قابىلەتتىلىگىن ارتتىرۋعا ىقپال ەتەتىندىگىن اتاپ ءوتتى.
سونىمەن قاتار، جوبالىق مەنەدجمەنت: قر ست ISO 21500-2014 سەرتيفيكاتتاۋىنا دايىندىق بويىنشا مەملەكەتتىك قىزمەتشىلەردى وقىتۋ باعدارلاماسى بويىنشا شىمكەنت قالاسىنداعى جەرگىلىكتى اتقارۋشى ورگانداردان 56 مەملەكەتتىك قىزمەتشى بىلىكتىلىگىن ارتتىردى، ونىڭ 26-ى سەرتيفيكاتسيادان تابىستى ءوتتى.
«ب» كورپۋسىنىڭ مەملەكەتتىك اكىمشىلىك قىزمەتىنە العاش كىرگەن مەملەكەتتىك قىزمەتشىلەر ءۇشىن 4 قايتا دايارلاۋ كۋرستارىندا 95 تىڭداۋشىلاردىڭ ستراتەگيالىق ويلاۋى مەن بولاشاق قۇزىرەتتىلىكتەرىن كوتەرۋگە، ءتيىمدى كوممۋنيكاتسيالىق داعدىلارىن ارتتىرۋعا جانە وڭىرلىك كومپونەنتتەرگە باسىمدىق بەرەدى.
«ب» كورپۋسىنىڭ مەملەكەتتىك اكىمشىلىك باسشى لاۋازىمىنا العاش تاعايىندالعان 16 مەملەكەتتىك قىزمەتشىلەرگە ارنالعان 1 قايتا دايارلاۋ كۋرستارىندا لاۋازىمدى تۇلعالاردىڭ ستراتەگيالىق مەنەدجمەنت جانە كقشباسشىلىق تۇرعىدان، جوبالىق جانە تسيفرلىق مەملەكەتتىك باسقارۋ، ءتيىمدى كوممۋنيكاتسيالىق قۇزىرەتتىلىكتەرى مەن وڭىرلىك كومپونەنتتەر سۇيەنە وتىرىپ وقىتۋ باعدارلاماسى قۇرالادى.
دارىستەردى فيليالىمىزدىڭ بىلىكتى پروفەسسورلارى مەن دوتسەنتتەرى جانە ارنايى كونكۋرستان وتكەن ترەنەرلەر وتكىزەدى.
فيليالدا ساباق بەرەتىن وقىتۋشى-پروفەسسورلار قۇرامىنىڭ بىلىكتىلىگىن ارتتىرۋعا ەرەكشە نازار اۋدارىلادى. بۇل ءوز كەزەگىندە قىزمەتكەرلەردىڭ كاسىبي دەڭگەيى مەن ەڭبەك ونىمدىگىن ارتتىرۋعا مۇمكىندىك بەرەدى.
اكادەميانىڭ شىمكەنت قالاسىنداعى فيليالى 2022 جىلعا ماگيستراتۋرا جانە دوكتورانتۋرا بويىنشا ءبىلىم بەرۋ باعدارلامالارىنا وقۋعا قابىلداۋ تۋرالى جۇمىسىن كەشەندى تۇردە ۇيىمداستىرىپ، قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتىمەن بىرلەسە شىمكەنت قالاسى اكىمىنىڭ اپپاراتىنا، اكىمدىكتىڭ 22 باسقارماسىنىڭ مەملەكەتتىك قىزمەتشىلەرىنە، ورتالىق مەملەكەتتىك ورگاندارىنىڭ ايماقتىق دەپارتامەنت قىزمەتشىلەرىنە 1 ناۋرىز بەن 23 شىلدە ارالىعىندا اقپاراتتىق سەسسيالار، «اشىق ەسىك» ءىس-شارالارى، تىكەلەي ەفير، اكادەميانىڭ تۇلەكتەرىمەن جانە ماگيسترانتتارىمەن كەزدەسۋلەر وتكىزىلدى.
بۇدان باسقا، اكادەميانىڭ ماگيستراتۋرا جانە دوكتورانتۋرا بويىنشا ءبىلىم بەرۋ باعدارلامالارىنا وقۋعا قابىلداۋ ەرەجەلەرى تۋرالى باق-دا ماقالا جاريالانىپ، فيليالدىڭ سايتىندا جانە الەۋمەتتىك پاراقشالارىندا وقۋعا ءتۇسۋ ەرەجەلەرىن ورنالاستىرۋ جۇيەلى تۇردە جۇرگىزىلدى.
