قاجى-تارحاننىڭ ازامات ەسىمدى ەتنيكالىق قازاعى موبيليزاتسيادان كەيىن نە سەبەپتى قازاقستانعا قاشپاعانى جايلى ايتىپ بەردى. بۇل تۋرالى "ادىرنا" ۇلتتىق پورتالى "راديو سۆوبودا" باسىلىمىنا سىلتەمە جاساپ حابارلايدى.
استراحاننىڭ ەتنيكالىق قازاعى ءۇشىن ۋكرايناداعى سوعىس ەكى ەسە قايعىلى جاعدايعا اينالدى. بىرىنشىدەن، ول كورشى مەملەكەتكە قارسى اگرەسسيانى ادىلەتسىز دەپ سانايدى. ەكىنشىدەن، بەلسەندى قيمىلدارى باستالعاننان باستاپ ول استراحان قازاقتارىنىڭ باسقا ۇلت وكىلدەرىنە قاراعاندا سوعىسۋعا ءجيى الىنعانىن بايقادى.
ول ءىشىنارا موبيليزاتسيادان كەيىن دە قازاقتاردىڭ سوعىسقا كوبىرەك كەتكەنىن ايتتى.
"مەن ءالى شاقىرۋ قاعازىن العان جوقپىن. مۇمكىن تىركەلگەن جەردە تۇرىپ جاتپاعانىمنان جولىم بولعان شىعار. كوپتەگەن دوستارىم شاقىرۋ الىپ، ونى ءارتۇرلى جولدارمەن شەشۋدە. بىرەۋى بىردەن ۆوەنكوماتقا بارسا، ال بىرەۋى اناسىن جىبەرەدى، ال بىرەۋلەرى قاشىپ تا كەتىپ جاتىر. كوبىسى، ارينە، قازاقستانعا كەتتى. قانداستارعا ارنالعان باعدارلاما بويىنشا ازاماتتىعىن الۋ وڭاي دەيدى. سول ارقىلى قانداي دا ءبىر كومەك الۋعا، جاڭا ءومىر قۇرۋعا بولادى", - دەيدى ازامات.
ازاماتتىڭ قازاقستانعا كەلەتىن ويى جوق.
"مەنىڭ قازاقستانعا شاعىمىم جوق، جاقسى ەل، مەن جاي عانا جەرگىلىكتى استراحاندىقپىن. بۇل دا ءبىزدىڭ، قازاقتىڭ جەرى. ەگەر بارلىق جاس قازاقتار بۇل جەردەن كەتسە، بۇل ادىلەتسىز بولادى. مۇندا ءبىزدىڭ اتا-بابالارىمىزدىڭ قابىرلەرى بار، قارتتارىمىز بار. بىرەۋ ولارعا قامقورلىق جاساۋ جانە سول جەردى جانە ونىڭ تاريحىن ساقتاۋ ءۇشىن قالۋى كەرەك. مەن ءۇشىن وتان ساياساتكەرلەردىڭ ءبىر ساتتىك قيالدارىنان ماڭىزدىراق", - دەدى ازامات.
"ادىرنا" ۇلتتىق پورتالى
