مەملەكەت باسشىسىنىڭ جولداۋىن ىسكە اسىرۋ جونىندەگى شارالار قالاي جۇزەگە اسۋدا؟

1963
Adyrna.kz Telegram

جەتىسۋ وبلىسىنا جۇمىس ساپارىمەن قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى كەلدى. نازگۇل ساعىندىقوۆانىڭ باسشىلىعىمەن ءموبيلدى توپ الداعى ەكى كۇندە رەسپۋبليكا پرەزيدەنتىنىڭ قازاقستان حالقىنا جولداۋىن ىسكە اسىرۋ شارالارى تۋرالى ءتۇسىندىرۋ جانە حاباردار ەتۋ ماقساتىندا اۋدانداردى ارالايتىن بولادى.

نازگۇل ساعىندىقوۆا جاڭا الەۋمەتتىك ساياسات تۋرالى ايتتى.

«مىقتى وتباسى – مىقتى مەملەكەت. ساياسات ازاماتتاردىڭ جەكەلەگەن وسال ساناتتارىن قولداۋدىڭ قازاقستاندىق وتباسىن نىعايتۋ مەن دامىتۋ ءۇشىن بازالىق جاعدايلار جاساۋعا كوشۋىن كوزدەيدى. تيىسىنشە،الدا جاڭا مىندەتتەر تۇر. بۇل-وتباسىنىڭ تسيفرلىق كارتاسىن ەنگىزۋ، جاڭا جۇمىسپەن قامتۋ جانە زەينەتاقى مەن الەۋمەتتىك قىزمەت كورسەتۋ جۇيەسىن جاڭعىرتۋ»،- دەدى سپيكەر.

جولداۋداعى قازاقستاندىقتار ءۇشىن قۋانىشتى جاڭالىق بالالى وتباسىلاردى قولداۋ شارالارىن كۇشەيتۋ بولدى. بۇل تۋرالى ۆيتسە-مينيستر تولىعىراق ايتىپ بەردى. ماسەلەن، ۇلتتىق قوردىڭ جىل سايىنعى ينۆەستيتسيالىق تابىسىنىڭ 50% - ى 18 جاسقا تولعانعا دەيىن بالالاردىڭ الەۋمەتتىك جيناقتاۋ شوتتارىنا مەرزىمىنەن بۇرىن الۋ قۇقىعىنسىز اۋدارىلاتىن بولادى. سونداي-اق نازگۇل ساعىندىقوۆا بالا كۇتىمى بويىنشا الەۋمەتتىك تولەمدەر مەرزىمىنىڭ ۇلعايۋى تۋرالى ەرەكشە اتاپ ءوتتى. ەندى جاس انالار تولەمدەردى بۇرىنعىداي ءبىر جىلعا دەيىن ەمەس، 1,5 جاسقا تولعانعا دەيىن الادى.

حالىقتى جۇمىسپەن قامتۋ. بۇل دا قازاقستاندىقتاردى تولعاندىراتىن نەگىزگى ماسەلەلەردىڭ ءبىرى. حالىقتى جۇمىسپەن قامتۋدىڭ جاڭا ساياساتىندا ەڭبەككە قابىلەتتى ازاماتتاردىڭ بارلىق ساناتتارىن ناتيجەلى جۇمىسپەن قامتۋ ءۇشىن تەڭ باستاپقى جاعدايلار جاساۋعا كوشۋ كوزدەلىپ وتىر. جىل سايىن 100 مىڭ جاس ناتيجەلى جۇمىسپەن قامتىلاتىن بولادى. بىلىكتىلىكتى ارتتىرۋ، جۇمىسقا ورنالاستىرۋ قاراستىرىلعان. سۇرانىسقا يە كاسىپتەر بويىنشا جوعارى بىلىكتى شەتەلدىك مامانداردى تارتۋ كوزى رەتىندە سىرتقى كوشى-قون دا بەلسەندى جۇمىس ىستەيتىن بولادى.

پىكىرلەر