Memleket basşysynyŋ Joldauyn ıske asyru jönındegı şaralar qalai jüzege asuda?

Jetısu oblysyna jūmys saparymen QR Eŋbek jäne halyqty äleumettık qorǧau vise-ministrı keldı. Nazgül Saǧyndyqovanyŋ basşylyǧymen mobildı top aldaǧy ekı künde Respublika Prezidentınıŋ Qazaqstan halqyna Joldauyn ıske asyru şaralary turaly tüsındıru jäne habardar etu maqsatynda audandardy aralaityn bolady. Nazgül Saǧyndyqova jaŋa äleumettık saiasat turaly aitty. «Myqty otbasy – myqty memleket. Saiasat azamattardyŋ jekelegen osal sanattaryn qoldaudyŋ qazaqstandyq otbasyn nyǧaitu men damytu üşın bazalyq jaǧdailar jasauǧa köşuın közdeidı. Tiısınşe,alda jaŋa mındetter tūr. Būl-otbasynyŋ sifrlyq kartasyn engızu, jaŋa jūmyspen qamtu jäne zeinetaqy men äleumettık qyzmet körsetu jüiesın jaŋǧyrtu»,- dedı spiker. Joldaudaǧy qazaqstandyqtar üşın quanyşty jaŋalyq balaly otbasylardy qoldau şaralaryn küşeitu boldy. Būl turaly vise-ministr tolyǧyraq aityp berdı. Mäselen, Ūlttyq qordyŋ jyl saiynǧy investisiialyq tabysynyŋ 50% - y 18 jasqa tolǧanǧa deiın balalardyŋ äleumettık jinaqtau şottaryna merzımınen būryn alu qūqyǧynsyz audarylatyn bolady. Sondai-aq Nazgül Saǧyndyqova bala kütımı boiynşa äleumettık tölemder merzımınıŋ ūlǧaiuy turaly erekşe atap öttı. Endı jas analar tölemderdı būrynǧydai bır jylǧa deiın emes, 1,5 jasqa tolǧanǧa deiın alady. Halyqty jūmyspen qamtu. Būl da qazaqstandyqtardy tolǧandyratyn negızgı mäselelerdıŋ bırı. Halyqty jūmyspen qamtudyŋ jaŋa saiasatynda eŋbekke qabılettı azamattardyŋ barlyq sanattaryn Nätijelı jūmyspen qamtu üşın teŋ bastapqy jaǧdailar jasauǧa köşu közdelıp otyr. Jyl saiyn 100 myŋ jas Nätijelı jūmyspen qamtylatyn bolady. Bılıktılıktı arttyru, jūmysqa ornalastyru qarastyrylǧan. Sūranysqa ie käsıpter boiynşa joǧary bılıktı şeteldık mamandardy tartu közı retınde syrtqy köşı-qon da belsendı jūmys ısteitın bolady.