«استانا حاب» قاتىسۋشىلارىنىڭ زاڭسىز كريپتوۆاليۋتا ماينينگ ساۋداسىمەن اينالىسقانى بەلگىلى بولدى. بۇل تۋرالى قر رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى حابارلادى، دەپ جازادى "ادىرنا" ۇلتتىق پورتالى.
"2022 جىلعى ناۋرىزدا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى «تسيفرلىق قازاقستان» مەملەكەتتىك باعدارلاماسىنىڭ ىسكە اسىرىلۋىنا جانە اقپاراتتاندىرۋ سالاسىندا مەملەكەت اكتيۆتەرىن پايدالانۋ تيىمدىلىگىنە ارالىق باعالاۋ جۇرگىزدى. مەملەكەتتىك اۋديت بارىسىندا قۇرىلتايشىلار تاراپىنان، قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جانە «زەردە» حولدينگى اتىنان ءتيىستى باقىلاۋدىڭ بولماۋىنا بايلانىستى «استانا حاب» قاتىسۋشىلارىنىڭ قاتارىنا كريپتوۆاليۋتا ماينينگى سالاسىنداعى قىزمەتتى جۇزەگە اسىراتىن كومپانيالار ەنگىزىلگەنى انىقتالدى.«استانا حاب» قاتىسۋشىلارىنا سالىقتىق جەڭىلدىكتەر بەرۋ ماينينگتىك كومپانيالار ءۇشىن «وففشورلىق الاڭعا» اينالدى", - دەلىنگەن حابارلامادا.
بۇل رەتتە اتالعان كومپانيالاردىڭ قىزمەتى «استانا حاب» حالىقارالىق تەحنوپاركىنىڭ ماقساتتارى مەن مانىنە ساي كەلمەيدى. وسىعان بايلانىستى ءتسدياوم-گە مىناداي:
- «اقپاراتتىق-كوممۋنيكاتسيالىق تەحنولوگيالار سالاسىنداعى باسىم قىزمەت تۇرلەرىنىڭ تىزبەسىن جانە مەنشىكتى ءوندىرىستىڭ ولشەمشارتتارىن بەكىتۋ تۋرالى» قازاقستان رەسپۋبليكاسى تسيفرلىق دامۋ، قورعانىس جانە اەروعارىش ونەركاسىبى ءمينيسترىنىڭ 2019 جىلعى 11 ساۋىردەگى № 37/نق بۇيرىعىنا، كريپتوۆاليۋتا ماينينگى سالاسىنداعى ەسەپتەۋ وپەراتسيالارى جانە دەرەكتەردى وڭدەۋ ورىنداۋ ءۇشىن كەشەندى ەسەپتەۋ ينفراقۇرىلىمىمەن قامتاماسىز ەتۋ جونىندەگى قىزمەتتى قىزمەت تۇرلەرىنەن الىپ تاستاۋ بولىگىندە وزگەرىستەر مەن تولىقتىرۋلار ەنگىزۋ بويىنشا (جەكە ەقجج تاعايىنداۋمەن);
- «Astana HUB» IT-ستارتاپتاردىڭ حالىقارالىق تەحنوپاركى» كق قىزمەتىنىڭ ميسسياسى مەن ماقساتتارىنا سايكەستىگى تۇرعىسىنان تەحنوپارك قاتىسۋشىلارىنا تۇگەندەۋ جۇرگىزۋدى قامتاماسىز ەتۋ بويىنشا شارالاردى قابىلداۋ تاپسىرىلدى.
ەسەپ كوميتەتىنىڭ تاپسىرمالارىن ورىنداۋ ءۇشىن اقپاراتتىق-كوممۋنيكاتسيالىق تەحنولوگيالار سالاسىنداعى باسىم قىزمەت تۇرلەرىنىڭ تىزبەسىنە جانە مەنشىكتى ءوندىرىستىڭ ولشەمشارتتارىنا، تەحنوپارك قاتىسۋشىلارىنا تسيفرلىق ماينينگ بويىنشا قىزمەتتى جۇزەگە اسىراتىن تۇلعالارعا ينفراقۇرىلىم ۇسىنۋعا شەكتەۋلەر بەلگىلەۋ بولىگىندە وزگەرىستەر ەنگىزىلدى.
قاتىسۋشىلارعا تسيفرلىق ماينينگ بويىنشا قىزمەتتى جۇزەگە اسىراتىن تۇلعالارعا ينفراقۇرىلىم ۇسىنۋ تۇرعىسىنان تۇگەندەۋ جۇرگىزىلدى.
جىل باسىنان باستاپ تۇگەندەۋ ناتيجەلەرى بويىنشا:
- تەحنوپاركتىڭ 73 قاتىسۋشىسىمەن تاراپتاردىڭ كەلىسىمى بويىنشا تەحنوپارككە قاتىسۋ قىزمەتىنىڭ تالاپتارى تۋرالى شارت بۇزىلدى;
- تەحنوپاركتىڭ ميسسياسى مەن ماقساتتارىنا سايكەس كەلمەيتىن قىزمەتتى جۇزەگە اسىرۋعا بايلانىستى 10 قاتىسۋشى تەحنوپاركتەن شىعارىلدى;
- توقسان سايىنعى ەسەپتەردى ۇسىنباعانى ءۇشىن تەحنوپاركتەن 25 قاتىسۋشى شىعارىلدى.
"ادىرنا" ۇلتتىق پورتالى
