قوعام بەلسەندىسى مايرا تولەۋ-بەگىم پرەزيدەنتتىككە ۇمىتكەر نۇرجان التاەۆتىڭ "ازاتتىق راديوسى" ەفيرىندە كورسەتكەن قىلىعىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
توسىن جايتقا توسىرقاعان قوعام بەلسەندىسى بۇل تۋرالى:
- نۇرجان التاەۆتىڭ "ازاتتىقتا" ابەستىك كورسەتكەنىنە قاتىستى ءوز پايىمىمدى بىلدىرگىم كەلەدى. بىلدەي ءبىر ەلدىڭ "ورمەلەپ بارىپ شىڭىنا - شامشىراق بولىپ جاعىلامىن" دەيتىن ازاماتىنىڭ، سايىپ كەلگەندە، پرەزيدەنت بولامىن دەگەن ازاماتىنىڭ قويىلعان سۇراققا شىداماي شورت سىنۋى - دۇرىس ەمەس. بۇل ارەكەتى پرەزيدەنت بولامىن دەگەن ادامعا عانا ەمەس، ەر-ازاماتقا ءتان ەمەس وعاش ارەكەت. مەن نۇرجان التاەۆتىڭ نەدەن شالا بۇلىنگەنىن ءتۇسىنىپ وتىرمىن. ول قازاقستان وپپوزيتسيا كواليتسياسىنان كەلگەن حات دەگەننىڭ بولماعانىن ايتتى. التىنشى قازان كۇنى بولعان جيىننىڭ زاڭسىز ەكەنىن نۇرجان جاقسى ءبىلىپ وتىر. سەبەبى، "مۇقالماستىڭ" زاڭناماسىنا سايكەس، جيىن شاقىرۋدىڭ ءوز رەتى بار. رەسمي جەرگە داۋىس بەرۋگە قۇقىقتارى بار ما، جوق پا، ول زاڭنامادا كورسەتىلمەگەن. جيىنعا 16 ايماق وكىلدەرىنىڭ 13-ءى قارسى بولعانىن كورگەندە ونىڭ جۇيكەسى سىر بەردى. مەملەكەتتەگى بيىك لاۋازىمنان ءۇمىتتى ازاماتقا مۇنداي ارەكەت، تىپتەن، دۇرىس ەمەس. ول بۇعان دەيىن دە جوعارى لاۋازىمداردى يەلەندى، كوپتەگەن جۇمساق كرەسلولاردا وتىردى. نۇرجاننىڭ ەل الدىنا شىعىپ سويلەي المايتىندىعى، توسىننان قويىلعان سۇراققا جاۋاپ بەرە المايتىندىعى بەلگىلى عوي، - دەدى.
سونىمەن قاتار، قوعام بەلسەندىسى سايلاۋعا ءتۇسۋشى التاەۆتىڭ جاقتاستارىنا ەسكەرتۋ جاساپ، ەفير ەتيكاسى، جۋرناليست قىزمەتى جايىندا ءسوز قوزعادى.
- قازىر كوبىسى "ازاتتىق راديوسى" ءجۋرناليسىن وزىنە يكەمدى سۇراقتار قويدى دەپ ايىپتاپ جاتىر ەكەن. ەل الدىنا شىعاتىن ازاماتقا وڭاي، جۇرەگىنە جىلۋ ۇيالاتاتىن سۇراقتار قويىلمايدى. وتكىر سۇراقتار قويىلادى. ارنانىڭ ميكروفونىن لاقتىرىپ، قولىن سەرمەپ، ەفيردى تاستاپ كەتۋى - بارىپ تۇرعان ابەستىك. ماعان نۇرجان التاەۆتى قولدايتىن توپتار دا كۇماندى. مەن ونىڭ پرەزيدەنتتىك سايلاۋعا تۇسۋىنە ءۇزىلدى-كەسىلدى قارسىمىن! - دەپ ءسوزىن تۇيىندەدى مايرا تولەۋ-بەگىم.
ەستەرىڭىزگە سالا كەتەيىك، نۇرجان التاەۆ تىكەلەي ەفير كەزىندە جۋرناليست ساۋالىن ۇناتپاي ميكروفونىن جۇلقا لاقتىرىپ، ازاتتىق ستۋدياسىنان شىعىپ كەتكەن ەدى.
"ادىرنا" ۇلتتىق پورتالى
