Qoǵam belsendisi Maıra Tóleý-Begim Prezıdenttikke úmitker Nurjan Áltaevtyń "Azattyq radıosy" efırinde kórsetken qylyǵyna qatysty pikir bildirdi, dep habarlaıdy "Adyrna" ulttyq portaly.
Tosyn jaıtqa tosyrqaǵan qoǵam belsendisi bul týraly:
- Nurjan Áltaevtyń "Azattyqta" ábestik kórsetkenine qatysty óz paıymymdy bildirgim keledi. Bildeı bir eldiń "órmelep baryp shyńyna - shamshyraq bolyp jaǵylamyn" deıtin azamatynyń, saıyp kelgende, Prezıdent bolamyn degen azamatynyń qoıylǵan suraqqa shydamaı short synýy - durys emes. Bul áreketi Prezıdent bolamyn degen adamǵa ǵana emes, er-azamatqa tán emes oǵash áreket. Men Nurjan Áltaevtyń neden shala búlingenin túsinip otyrmyn. Ol Qazaqstan oppozıııa koalıııasynan kelgen hat degenniń bolmaǵanyn aıtty. Altynshy qazan kúni bolǵan jıynnyń zańsyz ekenin Nurjan jaqsy bilip otyr. Sebebi, "Muqalmastyń" zańnamasyna sáıkes, jıyn shaqyrýdyń óz reti bar. Resmı jerge daýys berýge quqyqtary bar ma, joq pa, ol zańnamada kórsetilmegen. Jıynǵa 16 aımaq ókilderiniń 13-i qarsy bolǵanyn kórgende onyń júıkesi syr berdi. Memlekettegi bıik laýazymnan úmitti azamatqa mundaı áreket, tipten, durys emes. Ol buǵan deıin de joǵary laýazymdardy ıelendi, kóptegen jumsaq kreslolarda otyrdy. Nurjannyń el aldyna shyǵyp sóıleı almaıtyndyǵy, tosynnan qoıylǵan suraqqa jaýap bere almaıtyndyǵy belgili ǵoı, - dedi.
Sonymen qatar, qoǵam belsendisi saılaýǵa túsýshi Áltaevtyń jaqtastaryna eskertý jasap, efır etıkasy, jýrnalıst qyzmeti jaıynda sóz qozǵady.
- Qazir kóbisi "Azattyq radıosy" jýrnalısin ózine ıkemdi suraqtar qoıdy dep aıyptap jatyr eken. El aldyna shyǵatyn azamatqa ońaı, júregine jylý uıalatatyn suraqtar qoıylmaıdy. Ótkir suraqtar qoıylady. Arnanyń mıkrofonyn laqtyryp, qolyn sermep, efırdi tastap ketýi - baryp turǵan ábestik. Maǵan Nurjan Áltaevty qoldaıtyn toptar da kúmándi. Men onyń Prezıdenttik saılaýǵa túsýine úzildi-kesildi qarsymyn! - dep sózin túıindedi Maıra Tóleý-Begim.
Esterińizge sala keteıik, Nurjan Áltaev tikeleı efır kezinde jýrnalıst saýalyn unatpaı mıkrofonyn julqa laqtyryp, Azattyq stýdııasynan shyǵyp ketken edi.
"Adyrna" ulttyq portaly
