Resei prezidentı Vladimir Putin 2024 jylǧy prezidenttık sailauǧa qatysady, ol jeŋgen jaǧdaida 2030 jylǧa deiın el basqaratyn bolady, dep habarlaidy «Adyrna» ūlttyq portaly Reuters agenttıgıne sılteme jasap.
Agenttık aqparatyna säikes, Kremldıŋ saiasatymen tanys bır adam şeşım qabyldanǧanyn jäne Putinnıŋ keŋesşılerı onyŋ 2024 jylǧy sailau nauqanyna qatysuǧa daiyndalyp jatqanyn rastady.«Şeşım qabyldandy, Putin prezidenttıkke ümıtker bolady», - delıngen derekközdıŋ bırınde.Vladimir Putin özınıŋ sailauǧa qatysu sebebın soŋǧy 60 jyldaǧy elı üşın eŋ auyr kezeŋnen Reseidı özı alyp şyǧuy kerek degen ūstanymymen tüsındıredı, delıngen Reuters keltırgen aqparatta. Resei basşysynyŋ baspasöz hatşysy Dmitrii Peskov sailauǧa qatysty «nauqan älı resmi türde jariialanǧan joq» dep mälımdedı. Aitalyq, Vladimir Putin alǧaş ret 2000 jyly prezident boldy jäne ol tört merzımge qaldy (2008-2012 jyldarǧa üzılıspen). Putinnıŋ bastamasymen qabyldanǧan konstitusiialyq tüzetuler oǧan besınşı merzımge ümıtker boluǧa mümkındık beredı. Reuters atap ötkendei, qazırdıŋ özınde Putin İosif Stalindı qospaǧanda, eldı soŋǧy 100 jyldaǧy kez kelgen adamǧa qaraǧanda ūzaǧyraq basqarady.
«Adyrna» ūlttyq portaly
Ūqsas jaŋalyqtar
