Nūr-Sūltan qalasyndaǧy №93-mektebınıŋ bır top ata-anasy mektepten orys tılınde oqytatyn aralas synyp aşuǧa qatysty mäsele köterdı, dep habarlaidy "Adyrna" saity. Atalǧan mäselege bailanysty mektep basşylyǧy aşyq jiyn ötkızgen.
Jiynǧa Mäjılıs deputaty Qazybek İsa, Janarbek Äşımjan, Amanjol Ältai, Maqpal Mysa jäne aqyn Däuletkerei Käpūly, Qazaq tıl qoǧamynyŋ müşesı Serık Erǧali, Himiia ǧylymdary boiynşa PhD doktorant, Nūr-Sūltan qalasynda №90 mektep-gimnaziianyŋ direktory Aiatjan Ahmetjanūly da qatysqan.
Jiyn barysynda ekı jaq bıraz bır toqtamǧa kele almaǧanymen nätijesınde mämılege keldı. Alaida jiyn soŋynda bır ata-ana jiyndy tolyq vidoeǧa tüsırıp alǧanyn jäne ony Resei prezidentı Putinge joldaitynyn aityp qorqytqan.
Būl turaly Aiatjan Ahmetjanūly özınıŋ Facebook paraqşasynda bylai dep jazdy:
«Bügın bır mekteptı qazaq etıp saqtap qalu üşın jinalys boldy. Mäjılıs deputattary qatysty.Būndaiǧa ysyldyq qoi, zaŋdyq tūrǧyda bıraz ata-analardy ornyna qoidyq. Tıl janaşyrlary bıraz leksiia oqydy. Qyrǧyn dau boldy. Älım kelgenşe bala qūqyǧy būzylmaitynyn zaŋ boiynşa tüsındırıp, basqa mektepke baratynyn aittym. Būl mektep taza qazaq bop qalady dep kesımdı söz aittym. (Bır resmi men şeşetındei). Eŋ ökınıştısı orys synybyn talap etıp otyrǧan kıleŋ qazaq. Sol qazaqtyŋ bırı jinalystan şyqqasyn esık aldynda tūryp, bügıngı söilegen sözderdıŋ bärın tüsırıp aldym. Tolyq video jasadym. Reseige, Putinge tıke jıberem deidı. (qazaq äiel). Deputattarymyzdyŋ közın baqyraityp qoiyp, Putinmen qorqytty. Baratyn jerıŋe bar dedım küiıp ketıp... Ne deiın...».«Masqara! Men ony aitqan kezde mūǧalımder bölmesınde jūrtpen söilesıp tūrǧan edım, keiın esıttım. Sūmdyq qoi! Qūl ǧoi naǧyz, qojaiynyn Putin sanaǧan! Mıne, bızdıŋ bilıktıŋ 30 jylda bır ūltty ekı tılge - ekıge bölgen qastandyǧy!» deidı Mäjılıs deputaty Qazybek İsa. Būl mäsele qoǧamda qyzu talqynyŋ astynda qaldy. Osyǧan bailanysty belsendıler türlı pıkır bıldırude. Qazaq tılı qoǧamynyŋ müşesı Serık Erǧali bylai dep jazdy:
– Tıl mäselesı maidanǧa ainalyp barady... Jasyratyny joq. Bügın ǧana astanalyq jaŋa aşylǧaly otyrǧan 93-mekteptıŋ taǧdyry kökparǧa tüstı. Onşaqty qazaq kelınşegı kelıp, özderınıŋ qūqyqtaryn alǧa salyp, orys synybyn aşudy talap ettı. Būl jaitty aldyn ala estıgen ziialy qauym, bır top mäjılısmen jäne qalalyq şendıler, tıl janaşyrlary bırıgıp, ırıtkıge qarsy tūruǧa tura keldı. Älgı onşaqty kelınşek qazaqşa jaqsy tüsınedı, jartysy söileidı, bıraq balalaryn orys synybyna beruge baryn saldy. Ortasynda bır jıgıt bar. Baiqaǧanym jäne bır kelınşektıŋ aituynşa, küieuı ofiser eken, soǧan qaraǧanda barlyǧy da qazaq äskerınıŋ qyzmetşılerı sekıldı. Kezek pe kezek söilep aryndaryn basqandai boldyq. Äsırese Aiatjan Ahmetjanūlynyŋ sözı naqty ärı şeşımge toly boldy: zaŋ boiynşa radiusy 2 şaqyrymǧa deiıngı maŋaidaǧy kez kelgen mektep taŋdai beruge bolady eken. Sotta būl jaǧynan jeŋe almaisyŋdar dep Aiatjan maŋdaiǧa ūrǧandai etıp aitty. Al būlar jaŋadan salynǧan Bravo tūrǧyn üi keşenınıŋ janyndaǧy 1200 oryndyq mekteptı ielengısı keledı. Üi ışınen üi tıkkısı keledı. Tört kelınşektıŋ esımderı - kädımgı Jämilä, Samal, Äigerım, Şolpan! Rulary – uaq, qypşaq, arǧyn, bıreuı ruyn bılmeidı – reseilıkpın deidı. Būlar – bızdıŋ soŋǧy 30 jyldyq täuelsızdık däuırınıŋ ūrpaǧy. Būlardy kınälauǧa bola ma?! Menıŋşe joq. Olarǧa bır sūraq qoiyp, üş argument aitularyn sūradym: Nelıkten balasyn orysşa oqytpaq? Bügıngı būl oqiǧa, parlamentte maişammen qarauǧa tūratyn mäsele baryn aŋǧartty!https://youtu.be/65CSSYLlTvs
Ūqsas jaŋalyqtar
