قازاق ادەبيەتىنىڭ الىبى بەلگىلى قالامگەر شەرحان مۇرتازانىڭ تۋعانىنا 90 جىلدىق مەرەيتويى حالىق جازۋشىسىنىڭ ەڭسەلى ەسكەرتكىشىنىڭ اشىلۋىمەن باستالدى. بۇل تۋرالى arainfo.kz حابارلادى، دەپ جازادى "ادىرنا" ۇلتتىق پورتالى.
ەسكەرتكىش تارازداعى جامبىل داڭعىلى بويىنداعى حالىقارالىق تاراز يننوۆاتسيالىق ينستيتۋتى عيماراتىنىڭ الدىندا بوي كوتەرگەن.
ەسكەرتكىشتى جامبىل وبلىسىنىڭ اكىمى نۇرجان نۇرجىگىتوۆ، قازاقستان رەسپۋبليكاسى اقپارات جانە قوعامدىق دامۋ ءمينيسترى Darhan Qydyráli, اقىن، قازاقستاننىڭ ەڭبەك ەرى مۇحتار شاحانوۆ، حالىق قاھارمانى باقىتجان ەرتاەۆ، تانىمال قايراتكەر امالبەك تشانوۆ، اكادەميك عاريفوللا ەسىم اشتى. اقپارات جانە قوعامدىق دامۋ ءمينيسترى دارحان قىدىرالى مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن وقىپ بەردى. ءوز سوزىندە مۇحتار شاحانوۆ، نۇرلان ورازالين، امالبەك تشانوۆ، جانعارا دادەباەۆ جانە وزگە دە ازاماتتار شەرحان مۇرتازانىڭ تۇلعالىق، قالامگەرلىك، قايراتكەرلىك بولمىسىنا توقتالدى. اقىن، مەملەكەتتىك سىيلىقتىڭ لاۋرەاتى اقۇشتاپ باقتىگەرەەۆا شەراعا رۋحىنا ارناپ ولەڭ وقىدى.
ەسكەرتكىشتىڭ اشىلۋ سالتاناتىنان سوڭ كوپشىلىك جازۋشى رۋحىنا تاعزىم ەتىپ، گۇل شوقتارىن قويدى.
"ادىرنا" ۇلتتىق پورتالى
