Qazaq ádebıetiniń alyby belgili qalamger Sherhan Murtazanyń týǵanyna 90 jyldyq mereıtoıy halyq jazýshysynyń eńseli eskertkishiniń ashylýymen bastaldy. Bul týraly arainfo.kz habarlady, dep jazady "Adyrna" ulttyq portaly.
Eskertkish Tarazdaǵy Jambyl dańǵyly boıyndaǵy Halyqaralyq Taraz ınnovaııalyq ınstıtýty ǵımaratynyń aldynda boı kótergen.
Eskertkishti Jambyl oblysynyń ákimi Nurjan Nurjigitov, Qazaqstan Respýblıkasy Aqparat jáne qoǵamdyq damý mınıstri Darhan Qydyráli, aqyn, Qazaqstannyń Eńbek Eri Muhtar Shahanov, Halyq Qaharmany Baqytjan Ertaev, tanymal qaıratker Amalbek Tshanov, Akademık Ǵarıfolla Esim ashty. Aqparat jáne qoǵamdyq damý mınıstri Darhan Qydyráli Memleket basshysy Qasym-Jomart Toqaevtyń quttyqtaý hatyn oqyp berdi. Óz sózinde Muhtar Shahanov, Nurlan Orazalın, Amalbek Tshanov, Janǵara Dádebaev jáne ózge de azamattar Sherhan Murtazanyń tulǵalyq, qalamgerlik, qaıratkerlik bolmysyna toqtaldy. Aqyn, Memlekettik syılyqtyń laýreaty Aqushtap Baqtygereeva Sheraǵa rýhyna arnap óleń oqydy.
Eskertkishtiń ashylý saltanatynan soń kópshilik jazýshy rýhyna taǵzym etip, gúl shoqtaryn qoıdy.
"Adyrna" ulttyq portaly
