قازاق فۋتبولىنىڭ ارداگەرى سۇلتان ابەنوۆ 71 جاسقا قاراعان شاعىندا دۇنيەدەن وزدى. بۇل تۋرالى قازاقستان فۋتبول فەدەراتسياسىنىڭ ءباسپاسوز قىزمەتى جاريالادى، دەپ حابارلادى “ادىرنا” ۇلتتىق پورتالى.
"قازاقستان فۋتبول فەدەراتسياسى مارقۇمنىڭ تۋىستارى مەن جاقىندارىنىڭ قايعىلارىنا ورتاقتاسىپ، كوڭىل ايتادى. وتاندىق فۋتبول جانكۇيەرلەرىنىڭ جادىندا سۇلتان ابەنوۆ تۋرالى ەستەلىك ماڭگى ساقتالماق", - دەلىنگەن حابارلامادا.
ايتا كەتەيىك، سۇلتان مۇراشۇلى قىزىلوردالىق كوماندانىڭ قاتارىندا كسرو چەمپيوناتىندا 100-دەن اسا ويىن وتكىزىپ، 33 گول سوقتى. سونىمەن قاتار، الماتىلىق "قايراتتىڭ" ساپىندا وينادى.
ويىن مانسابىن اياقتاعان سوڭ "قايرات" كومانداسىن باسقاردى. ءارى قاراي پارتيا مەن ديپلوماتيا قىزمەتىنە اۋىسىپ، ءار جىلدارى قر پرەمەر-ءمينيسترىنىڭ كەڭەسشىسى، قر پارلامەنت ءماجىلىس اپپاراتى جەتەكشىسىنىڭ ورىنباسارى، قر پرەزيدەنت اكىمشىلىگىندە قىزمەت اتقاردى.
