«تازا قازاقستان» ەكولوگيالىق اكتسياسىنىڭ «ونەگەلى ۇرپاق» اپتالىعى شەڭبەرىندە ۇلى وتان سوعىسىنىڭ ارداگەرى ەرەجەپباي ءمۇتالىپتىڭ ءۇيىنىڭ كىرەبەرىس جەرىندەگى قابىرعالاردى سىرلاۋ، اۋلاسىنا اباتتاندىرۋ جۇمىستارى جۇرگىزىلدى. اتالعان يگى شاراعا «تۇرعىن ءۇي جوندەۋ تاراز» جاۋاپكەرشىلىگى شەكتەۋلى سەرىكتەستىگىنىڭ قىزمەتكەرلەرى، قالانىڭ بەلسەندى جاستارى، ۆولونتەرلار بەلسەنە ات سالىستى.
شارا سوڭىندا ۇلى وتان سوعىسىنىڭ ارداگەرى جاستارعا باتاسىن بەرىپ، العىسىن جەتكىزدى.
– «تازا قازاقستان» اكتسياسىنىڭ «ونەگەلى ۇرپاق» اپتالىعى شەڭبەرىندە قالامىزدىڭ جاستارى ءوز ەرىكتەرىمەن كەلىپ تازالىق جۇمىستارىن جۇرگىزۋدە. جالپى، مۇنداي باستامانى جاستارىمىزدىڭ قولعا الىپ، ۇيلەستىرىپ وتىرعاندارىنا شىن جۇرەكتەن قۋانىشتىمىن. وسى ورايدا، قالامىزدىڭ تۇرعىندارىن «تازا قازاقستان» رەسپۋبليكالىق اكتسياسىنا بەلسەنە قاتىسىپ، شاھار كوركەيۋىنە ۇلەس قوسۋعا شاقىرامىن. وسى ارقىلى ءاربىرىمىز قالا تازالىعىن ساقتاپ عانا قويماي، وسكەلەڭ ۇرپاقتى وتانسۇيگىشتىك پەن ۇلتتىق تاربيەگە باۋليدى، – دەدى قارت مايدانگەر اعىنان جارىلىپ.
جالپى، بۇگىندە وبلىس بويىنشا 8 ۇوس ارداگەرى بار. اكتسيا اياسىندا بارلىق ارداگەردىڭ ۇيلەرىندە اباتتاندىرۋ جۇمىستارى جۇرگىزىلدى.
