مەملەكەتتىك شەكارانى بۇزعان شەتەلدىكتەر ۇستالدى. بۇل تۋرالى ۇقك-ءنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 22 قازاندا «جاسوركەن» شەكارا بولىمشەسىنىڭ ۋچاسكەسىندە بىرلەسكەن جەدەل-ىزدەستىرۋ ءىس-شارالارىنىڭ ناتيجەسىندە ۇقك شەكارا قىزمەتى دەپارتامەنتىنىڭ اسكەري قىزمەتشىلەرى مەن ۇقك جامبىل وبلىسى بويىنشا دەپارتامەنتىنىڭ قىزمەتكەرلەرى قىرعىز رەسپۋبليكاسىنان ءبىزدىڭ ەلدىڭ اۋماعىنا مەملەكەتتىك شەكارانى بۇزىپ وتكەن ءتورت شەتەلدىك ازاماتتى ۇستاعان.
قۇزىرەتتى ورگاندار جەدەل-تەرگەۋ امالدارىن جۇرگىزىپ جاتىر.
ايتا كەتەيىك، بۇعان دەيىن ۇقك شەكارا قىزمەتى الماتى قالاسىنىڭ پروكۋراتۋراسىمەن بىرگە قازاقستان اۋماعى ارقىلى اۋعانستان ازاماتتارىن زاڭسىز وتكىزۋ ارناسىنىڭ جولىن كەسكەنى تۋرالى حابارلاعان ەدى.
