«Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن اتىراۋ وبلىسىنىڭ ىسكەر ءايەلدەر قاۋىمداستىعى «ارەكەت» جوباسىن باستادى. جوبا اياسىندا جالعىزباستى، كوپبالالى انالار، جۇمىسسىز ايەلدەر وزدەرىنىڭ قارجىلىق تاۋەلسىزدىگىن قامتاماسىز ەتۋ ءۇشىن كاسىبي داعدىلاردى يگەرىپ، ناقتى كومەك الا الادى. العاشقى ءدارىستىڭ قاتىسۋشىلارىن «Samruk-Kazyna Trust» قورىنىڭ وكىلدەرى كەلىپ قۇتتىقتادى.
«سامۇرىق-قازىنا» اق قازاقستاندىقتاردىڭ ەكونوميكالىق جاعدايىن جانە تۇتاستاي العاندا مەملەكەتتىڭ قارجىلىق تۇراقتىلىعىن نىعايتۋعا مۇمكىندىك بەرەتىن ءبىلىم باستامالارىن اركەز قولدايدى. وڭىرلىك جوبالاردى قارجىلاندىرا وتىرىپ، ءبىز جەرگىلىكتى جەرلەردە وزەكتى ءالەۋمەتتىك ماسەلەلەردى شەشەمىز. سوندىقتان بىزگە جەرگىلىكتى ۇەۇ-دان تىڭ وتىنىمدەر قابىلداۋ وتە ماڭىزدى»، -دەپ اتاپ ءوتتى «Samruk-Kazyna Trust» قورىنىڭ باس ديرەكتورى الفيا اديەۆا.
جوبا اياسىندا 100 ايەلگە ارنالعان وقىتۋ كۋرستارى ۇيىمداستىرىلىپ, ودان كەيىن تۇلەكتەرگەشاعىن بيزنەستەرىن اشۋعا كومەك كورسەتىلەدى. بيۋدجەتى شامامەن 48 ميلليون تەڭگەنى قۇرايتىن جوبا 2022 جىلدىڭ قازانىنان 2023 جىلدىڭ اقپانىنا دەيىنگى ارالىقتا جۇزەگە اسىرىلۋدا.
شالعايداعى اۋىلدار مەن اۋدانداردىڭ تۇرعىندارىن وسى باستامامەن تانىستىرۋ ماقساتىندا اتىراۋ وبلىسىنىڭ ىسكەر ايەلدەر قاۋىمداستىعى قۇرمانعازى، يساتاي، يندەر، ماحامبەت، جىلىوي، ماقات، قىزىلقوعا اۋداندارىنىڭ، سونداي-اق ەركىنقالا، كەڭوزەك، المالى، دامبا, اقساي، قايىرشاقتى ەلدىمەكەندەرىنىڭ جانە اتىراۋ قالاسىنىڭ تۇرعىندارىمەن كەزدەسۋلەر وتكىزدى.
6 اپتالىق وقۋ كۋرستارى نەگىزگى جانە قوسىمشا وقۋ بلوگىنان تۇرادى. نەگىزگى باعىتتارعا كەلەسى ماماندىقتار كىرەدى: «تىگىن»، «اسپازدىق»,«شاشتاراز» جانە «تازالاۋ قىزمەتتەرى». قوسىمشا كۋرستار «كاسىپكەرلىك داعدىلاردى وقىتۋ», «كونتەنت جانە SMM – الەۋمەتتىك جەلىلەردى دامىتۋ»، «شەشەندىك ونەر، كوپشىلىك الدىندا سويلەۋ داعدىلارى» بويىنشا قاراستىرىلعان. سونىمەن قاتار، جوبا تۇلەكتەرىنە 3 اي بويى تالىمگەر-كۋراتورى بىرگە ءجۇرىپ قولداۋ كورسەتەدى.
«وقۋ اياقتالعاننان كەيىن ءبىزدىڭ تۇلەكتەرىمىز100% ءوز ءىسىن اشۋعا تاۋارلار تۇرىندە گرانت يەلەنسە، ولاردىڭ كەمىندە 50%-ى ءوز بيزنەسىن اشۋعا مۇمكىندىك الىپ, 30%-ى جۇمىسقا ورنالاسادى», - دەدى اتىراۋ وبلىسىنىڭ ءىسكەر ايەلدەر قاۋىمداستىعىنىڭ ءتورايىمى فاتيما تولەەۆا.
اتىراۋ وبلىسىنىڭ ىسكەر ايەلدەر قاۋىمداستىعى 2013 جىلدان باستاپ ايەلدەر كاسىپكەرلىگىن دامىتۋ جانە ومىرلىك قيىن جاعدايعا تاپ بولعان ايەلدەرگە قايىرىمدىلىق كومەك كورسەتۋ جونىندەگى الەۋمەتتىك جوبالاردى بەلسەندى جۇزەگە اسىرىپ كەلەدى. قازىرگى ۋاقىتتا قاۋىمداستىق شاعىن جانە ورتا بيزنەستىڭ ىسكەر ايەلدەرىن، كوپبالالى انالار مەن حالىقتىڭ الەۋمەتتىك وسال توپتارىنان شىققان ايەلدەردى قولداۋ ماقساتىندا بىرقاتار جوبالاردى ىسكە اسىرۋدا.
