سەۋلدەگى وقيعادان قازا تاپقانداردىڭ ىشىندە قازاقستان ازاماتى بارى انىقتالدى. قر سىرتقى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
«سەۋل قالاسىنىڭ جەدەل شتابى مەن پوليتسياسىنىڭ مالىمەتى بويىنشا، يتاەۆون ايماعىنداعى قايعىلى وقيعادان زارداپ شەككەندەردىڭ اراسىندا 1996 جىلى تۋعان قازاقستان رەسپۋبليكاسىنىڭ ازاماتى، اقتوبە وبلىسىنىڭ تۋماسى بار. ول كورەيا رەسپۋبليكاسىنىڭ جوعارى وقۋ ورىندارىنىڭ ءبىرىنىڭ ستۋدەنتى بولعان»، - دەپ حابارلايدى قر سىرتقى ىستەر مينيسترلىگىنىڭ رەسمي Telegram-ارناسى.
قازاقستاندىق ديپلوماتتار قازا تاپقان ازاماتتىڭ تۋىستارىمەن بايلانىستا، قۇجاتتاردى رەسىمدەۋگە جانە ءمايىتتى قازاقستانعا ودان ءارى جەتكىزۋگە بارلىق قاجەتتى كومەك كورسەتۋدە.
ايتا كەتەيىك، سەنبى كۇنى وڭتۇستىك كورەيا استاناسىندا حەللوۋين مەرەكەسىن تويلاۋ كەزىندە قالىڭ ادام اراسىندا قىسىلىپ قالىپ، 151 ادام قازا تاپتى. كورەيانىڭ بۇقارالىق اقپارات قۇرالدارى جاراقات العان 100-گە جۋىق ادام بار ەكەنىن جازعان ەدى.
