مەملەكەت باسشىسى كورەيا رەسپۋبليكاسىنىڭ پرەزيدەنتىنە كوڭىل ايتۋ جەدەلحاتىن جولدادى. بۇل تۋرالى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ كورەيا رەسپۋبليكاسىنىڭ پرەزيدەنتى يۋن سوك Ëلگە سەۋلدە بولعان قايعىلى وقيعا سالدارىنان كوپتەگەن ادامنىڭ قازا تابۋىنا بايلانىستى كوڭىل ايتتى.
“سەۋل قالاسىنىڭ يتەۆون اۋدانىندا كوپتەگەن ادامنىڭ قازا تاپقانى جونىندەگى سۋىت حاباردى تەرەڭ كۇيزەلىسپەن قابىلدادىم. قازاقستان حالقىنىڭ جانە جەكە ءوزىمنىڭ اتىمنان قايتىس بولعانداردىڭ جاقىندارى مەن تۋىستارىنىڭ قايعىلارىنا ورتاقتاسىپ، كوڭىل ايتامىن. ال جاراقات العانداردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. وسىنداي اۋىر ساتتە ەلىمىزدىڭ ازاماتتارى جانە ءوزىم كورەيا حالقىنىڭ ورنى تولماس قايعىسىن ءبولىسىپ، ولارمەن بىرگە ەكەنىمىزدى ايتقىم كەلەدى”، – دەپ جازىلعان جەدەلحاتتا.
