قازاقستاندىق مانەرلەپ سىرعاناۋشى، وليمپيادا چەمپيونى ميحايل شايدوروۆ 2026 جىلعى وليمپيادا ويىندارىنداعى جەڭىسىنەن كەيىن جاتتىعۋ مەن جارىستارعا قاتىسۋ وڭاي بولماي جۇرگەنىن ايتتى، دەپ حابارلايدى "ادىرنا" ۇلتتىق پورتالى "چەمپيونعا" سىلتەپ.
سپورتشى كاسىبي مانسابىن جالعاستىرۋعا دەگەن ىنتاسى تۋرالى دا پىكىر ءبىلدىردى.
سپورتشىنىڭ ايتۋىنشا، وليمپيادا ماۋسىمىنان كەيىن مۇز ايدىنىنا قايتا شىعۋ بۇرىنعىدان قيىنداعان. ءتىپتى جاتتىعۋعا بارۋدىڭ ءوزى اۋىرلاي تۇسكەن.
«وليمپيادا التىنىن العاننان كەيىن سىرعاناۋ وتە قيىن. جالپى، جاتتىعۋعا شىعۋدىڭ ءوزى وڭاي ەمەس. كەيدە ءبارىن اۆتوماتتى تۇردە ىستەپ جۇرگەندەي بولاسىڭ. وليمپيادا مەدالى ادامدى ىشتەي بوساڭسىتۋى مۇمكىن. قايتادان جارىسقا قاتىسۋ دا قيىندادى. مۇمكىن، وليمپيادا ماۋسىمىنان كەيىن ءالى تولىق قالپىما كەلمەگەن شىعارمىن»، – دەدى ميحايل شايدوروۆ.
سوعان قاراماستان، سپورتشى مانەرلەپ سىرعاناۋدا دامۋعا دەگەن ىنتاسى جوعالماعانىن اتاپ ءوتتى. الداعى ۋاقىتتا سىرعاناۋ تەحنيكاسىن جەتىلدىرىپ، حورەوگرافيامەن جۇمىس ىستەۋدى جانە باعدارلامالارىندا ەرەكشە وبرازدار قالىپتاستىرۋدى كوزدەيدى.
«وليمپياداعا دەيىن دە مەنىڭ ءوزىمدى مانەرلەپ سىرعاناۋشى رەتىندە دامىتۋعا دەگەن موتيۆاتسيام بولدى. سىرعاناۋ مانەرىن، حورەوگرافيانى جەتىلدىرىپ، باعدارلامالاردا ەرەكشە وبرازدار جاساعىم كەلەدى. ءالى اتقاراتىن جۇمىس كوپ»، – دەدى وليمپيادا چەمپيونى.
