الماتى قالاسىنىڭ اكىمدىگى وليمپيادا چەمپيونى ميحايل شايدوروۆتى تۇرعىن ۇيمەن قامتاماسىز ەتۋ جۇمىستارىن جۇرگىزۋدە، دەپ حابارلايدى "ادىرنا" ۇلتتىق پورتالى.
بۇل ماقساتتا ءۇش بولمەلى پاتەر ساتىپ الۋعا مەملەكەتتىك ساتىپ الۋ ءراسىمى ۇيىمداستىرىلعان.
قالالىق كوممۋنالدىق ينفراقۇرىلىم باسقارماسىنىڭ مالىمەتىنشە، سپورتشىعا بەرىلەتىن باسپانانىڭ اۋماعى شامامەن 110–120 شارشى مەتر بولادى. پاتەردى ساتىپ الۋعا جەرگىلىكتى بيۋدجەتتەن 120 ميلليون تەڭگە قاراستىرىلعان. اكىمدىك وكىلدەرى مۇنداي قولداۋ حالىقارالىق جارىستاردا ەل نامىسىن ابىرويمەن قورعاپ، جوعارى جەتىستىكتەرگە جەتكەن سپورتشىلاردى ىنتالاندىرۋ جانە ولاردىڭ ەڭبەگىن باعالاۋ ماقساتىندا كورسەتىلەتىنىن اتاپ ءوتتى.
قازىر تۇرعىن ءۇيدى ساتىپ الۋ ءراسىمى اياقتالعانىمەن، پاتەردىڭ كىلتى يەسىنە ءالى تاپسىرىلعان جوق. ماماندار قۇجاتتاردى راسىمدەۋ مەن مەنشىك قۇقىعىن تىركەۋ جۇمىستارىن جالعاستىرىپ جاتىر.
جاۋاپتى مەكەمەنىڭ حابارلاۋىنشا، بارلىق زاڭدىق راسىمدەر اياقتالعاننان كەيىن ميحايل شايدوروۆقا جاڭا باسپانا رەسمي تۇردە تابىستالادى. جوسپار بويىنشا بۇل پروتسەسس شىلدە ايىنىڭ ورتاسىنا دەيىن تولىق اياقتالماق.
