مەملەكەت باسشىسىنىڭ تاپسىرماسىنا سايكەس 2025 جىلدىڭ سوڭىنا دەيىن كەربۇلاقتان تالدىقورعانعا دەيىن بارلىق ەلدى مەكەندەر گازبەن قامتىلادى
مەملەكەت باسشىسى قاسىم جومارت توقاەۆ جەتىسۋ وڭىرىنە جۇمىس ساپارى بارىسىندا ءوڭىردىڭ سۋ مەن گاز ماسەلەسىنە ەرەكشە نازار اۋدارعان بولاتىن. 2025 جىلدىڭ سوڭىنا دەيىن كەربۇلاق اۋدانىنان تالدىقورعان قالاسىنا دەيىنگى بارلىق ەلدى مەكەندەر، ال 2028 جىلعا دەيىن اقسۋ، سارقان، الاكول اۋداندارىن تابيعي گازبەن قامتاماسىز ەتۋ تاپسىرىلدى. وسى جوبالاردى ىسكە اسىرۋ ناتيجەسىندە ءوڭىردى گازداندىرۋ 100% نەمەسە 192 ەلدى مەكەنگە دەيىن جەتەدى. بۇگىنگى كۇنى بۇل جۇمىس قولعا الىنىپ، ءتيىستى شارالار جۇزەگە اسىرىلۋدا. وسى جانە وبلىس تۇرعىندارىن قاتتى وتىنمەن قامتاماسىز ەتۋ، سۋمەن جابدىقتاۋ ماسەلەلەرى جايىندا وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسىنىڭ باسشىسى ەرنات ءبازىل وڭىرلىك كوممۋنيكاتسيالار الاڭىندا وتكەن بريفينگتە باياندادى.
«وڭىردە گاز بەرۋ جۇمىستارى دا بەلسەندى جۇرگىزىلۋدە. بۇگىنگى كۇننىڭ وزىندە جۇرگىزىلگەن جۇمىستار ناتيجەسىندە كوكسۋ اۋدانىنىڭ مۇقرى، بەسقاينار، امانگەلدى اۋىلدارى، ەسكەلدى اۋدانىنىڭ وركۋساك اۋىلى، تالدىقورعان قالاسىنىڭ پريگورودنوە شاعىن اۋدانى، 3 بولىمشەسىنىڭ تۇرعىندارى، جالپى ەسەپپەن 6 مىڭنان استام تۇرعىن تابيعي گازعا قول جەتكىزدى.
قازىرگى ۋاقىتتا ەسكەلدى، كوكسۋ، كەربۇلاق، قاراتال اۋداندارىن تولىق گازداندىرۋ ءۇشىن 43 ەلدى مەكەن بويىنشا جوبالاۋ-ىزدەستىرۋ جۇمىستارىنا ەسەپ جاسالىپ، قاراجات ءبولۋ ءۇشىن بيۋدجەتتىك ءوتىنىم بەرىلدى. قۇرىلىس-مونتاجداۋ جۇمىستارى 2025 جىلعا دەيىن جۇزەگە اسىرىلادى. ال، اقسۋ، سارقان جانە الاكول اۋداندارىنىڭ ەلدى مەكەندەرىن گازداندىرۋ ءۇشىن «قاپال»، «جانسۇگىروۆ»، «سارقان»، «قويلىق»، «قابانباي» جانە «ءۇشارال» گاز تاسىمالداۋ ستانساسى مەن «تالدىقورعان-ءۇشارال» ماگيسترالدىق گاز قۇبىرىنىڭ قۇرىلىسى» جوبالىق-سمەتالىق قۇجاتتاماسى ازىرلەنۋدە»، - دەيدى ەرنات دۇيسەنبەكۇلى.
«جىلىتۋ ماۋسىمىنا كەلسەك، بۇل باعىتتاعى جۇمىستار شتاتتىق رەجيمدە جۇرگىزىلۋدە. بۇگىنگى كۇنى قويمالار مەن تۇيىقتاردا 14,4 مىڭ توننا كومىر قورى بار. كومىر جەتكىزۋ ءبىزدىڭ تاراپىمىزدان تۇراقتى باقىلاۋدا، تاۋلىگىنە ورتا ەسەپپەن 27 ۆاگون كەلىپ تۇسۋدە. باعاسىنا كەلسەك، ءبىر توننا كومىردىڭ قۇنى 14 800 – 15 500 تەڭگەنى قۇرايدى» - دەيدى سپيكەر.
ءوڭىر تۇرعىندارىنىڭ تاعى ءبىر وزەكتى ماسەلەسىنىڭ ءبىرى – سۋ. بۇگىنگى كۇنى وبلىستىڭ 90,2% ەلدى مەكەنى ورتالىقتاندىرىلعان سۋمەن قامتاماسىز ەتىلگەن. مەملەكەت باسشىسىنىڭ تاپسىرماسىنا سايكەس 2025 جىلى وبلىستىڭ بارلىق ەلدى مەكەندەرىن 100 پايىز اۋىز سۋمەن قامتۋ جوسپارلانعان.
بيىل «تەكەلى قالاسىندا قولدانىستاعى ۇڭعىمالاردان سۋمەن جابدىقتاۋ ينجەنەرلىك جەلىلەرىنىڭ قۇرىلىسىن جۇرگىزۋ» جوباسى ىسكە اسىرىلۋدا. جوباعا 2022 جىلعا جەرگىلىكتى بيۋدجەتتەن 100 ملن. تەڭگە ءبولىندى.
