اقتاۋداعى نازارباەۆ زياتكەرلىك مەكتەبىنىڭ وقۋشىلارى رەسپۋبليكا كولەمىندە وتكەن ۆولەيبولدان جەلىلىك سپارتاكيادادا جاقسى ناتيجە كورسەتتى.
اتىراۋ قالاسىنداعى وتكەن جەلىلىك سپارتاكياداعا اقتاۋ، قوستاناي، ورال، اقتوبە قالالارىنداعى زياتكەرلىك مەكتەپ سپورتشىلارى سايىسقا ءتۇستى. ۇش كۇنگە سوزىلعان ويىن ناتيجەسى بويىنشا اقتاۋلىق قىزدار كومانداسى جۇلدەلى ەكىنشى ورىندى يەلەنسە، ۇلدار كومانداسى جالپى ەسەپ بويىنشا ءۇشىنشى ورىنعا جايعاستى. وسىلايشا رەسپۋبليكا كولەمىندە وتكىزىلىپ جاتىرعان سپارتاكيادانىڭ جەلتوقسان ايىندا وتەتىن فينالدىق ويىندارىنا ماڭعىستاۋلىق قىزدار كومانداسى جولداما الدى.
مەكتەپ وقۋشىلارىن سپورتقا باۋلىپ جۇرگەن، ۆولەيبول كوماندالارىنىڭ باپكەرى ۆەنەرا ماحمەتوۆا وقۋشىلار اراسىندا وتەتىن جارىستاردىڭ كوپ بولعانىن قالايدى.
سايىس بولعان جەردە جەڭىستە، جەڭىلىستە بولادى. بىراق سپورتشىلارمىزدىڭ تىرىسقانىن باپكەر رەتىندە بايقادىم. ويتكەنى دايىندىق كەزەڭىندەگى ويىندارعا قاراعاندا جاقسى ناتيجە كورسەتتى. بۇدان بولەك مەنى قۋانتاتىن نارسە، قازىرگى مەكتەپ وقۋشىلارىنىڭ سپورتقا دەگەن قىزىعۋشىلىقتارى. جاستار سالاۋاتتى ءومىر سالتىن ۇستانۋعا، سپورتپەن اينالىسۋعا بەيىم،- دەيدى اقتاۋداعى نازارباەۆ زياتكەرلىك مەكتەبىنىڭ دەنە شىنىقتىرۋ ءپانى مۇعالىمى ۆەنەرا ماحمەتوۆ.
سپارتاكيادا بارىسىندا جاقسى ويىن كورسەتكەن ماڭعىستاۋلىق وقۋشى ءامىرلان حايرۋشەۆ «ۇزدىك شابۋىلشى» نوميناتسياسىنا لايىق دەپ تانىلدى. ال، «ۇزدىك ويىنشى» نوميناتسياسىن اقتاۋلىق زياتكەر كامشات جۇمابەك يەلەندى
ويىن تارتىستى ءوتتى، قارسىلاستار مىقتى دايىندىقپەن كەلگەن. ارينە بىزدە وسال قارسىلاس بولمادىق، بار كۇشىمىزدى سالىپ ءۇشىنشى ورىنعا جايعاستىق. بۇل دا جامان ناتيجە ەمەس. ەڭ باستىسى بىزگە سەنىپ، جارىسقا دايىنداعان باپكەرلەرىمىزگە العىس بىلدىرەمىز،- دەيدى «ۇزدىك شابۋىلشى» ءامىرلان حايرۋشەۆ
