9 قاراشا كۇنى سقو ايىرتاۋ اۋدانى نوۆوۋكراينكا اۋىلىندا ورنالاسقان №51 رمم توتەنشە قاۋىپسىز مەكەمەسىندە توبەلەس بولىپ، 1 ادام كوز جۇمدى، دەپ حابارلايدى «ادىرنا» ءتىلشىسى.
«1994 جانە 1976 جىلى تۋعان سوتتالعاندار اراسىندا جانجال بولدى، ونىڭ بارىسىندا سوتتالعانداردىڭ ءبىرى ەكىنشىسىنىڭ باسىنا سوققى جاساعان.
1976 جىلى تۋعان جابىرلەنۋشى ايىرتاۋ اۋدانىنىڭ ورتالىق اۋداندىق اۋرۋحاناسىنىڭ جانساقتاۋ بولىمىنە جاتقىزىلىپ، ەسىن جيماستان قايتىس بولدى»،—دەلىنگەن حابارلامادا.
بۇل فاكتى قر قك-ءنىڭ 99-بابىنىڭ 1-بولىگى بويىنشا (كىسى ءولتىرۋ) تىركەلدى.
ۇستالعان ادام ايىرتاۋ اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى. تەرگەۋ ارەكەتتەرى جۇرگىزىلۋدە.
