الماتى اكىمى ەربولات دوساەۆ پرەزيدەنت تاپسىرماسىنا سايكەس، بيىل قالادا قوسىمشا 3050 بەينەكامەرا ورناتىلاتىنىن ايتتى، دەپ حابارلايدى «ادىرنا» ءتىلشىسى.
ناۋرىزباي اۋدانىنىڭ تۇرعىندارىمەن كەزدەسۋ كەزىندە قالا تۇرعىنى «ەليسەي الاڭى» تۇرعىن ءۇي كەشەنى بەينەباقىلاۋ جۇيەلەرىن ورناتۋ باعدارلاماسىنا ەنگەنىن، الايدا، ءتيىستى 35 كامەرانىڭ ورنىنا تەك 2 بەينەكامەرا بولىنگەنىن ايتىپ، ماسەلەنى شەشۋدى سۇرادى.
ەربولات دوساەۆ «ەليسەي الاڭى» تۇرعىن ءۇي كەشەنى قاۋىپسىزدىگى وسال جەر ەمەس ەكەنىن ايتتى.
«بىزدە ءتىپتى جارىعى جوق كوشەلەر بار. بۇل ماسەلەنى 2023 جىلعا دەيىن شەشۋدى نيەت ەتىپ وتىرمىز. بەينەكامەرا بويىنشا كەزەڭ-كەزەڭىمەن العا جىلجيمىز. ناۋرىزباي اۋدانى بويىنشا بەينەكامەرالاردى پوليتسيا دەپارتامەنتى قاجەت دەگەن جەرگە ەڭ ءبىرىنشى كەزەكتە ورناتامىز. جالپى، پرەزيدەنت تاپسىرماسىنا سايكەس، بيىل الماتىدا قوسىمشا 3050 بەينەكامەراسىن ورناتامىز. كەلەسى جىلى ولاردىڭ سانىن ۇلعايتپاقپىز. ول ءۇشىن بەينەمونيتورينگ جۇيەلەرىن ساتىپ الۋعا قوسىمشا قاراجات قاراستىرىلادى»،- دەدى ەربولات دوساەۆ.
