Almaty ákimi Erbolat Dosaev Prezıdent tapsyrmasyna sáıkes, bıyl qalada qosymsha 3050 beınekamera ornatylatynyn aıtty, dep habarlaıdy «Adyrna» tilshisi.
Naýryzbaı aýdanynyń turǵyndarymen kezdesý kezinde qala turǵyny «Elıseı alańy» turǵyn úı kesheni beınebaqylaý júıelerin ornatý baǵdarlamasyna engenin, alaıda, tıisti 35 kameranyń ornyna tek 2 beınekamera bólingenin aıtyp, máseleni sheshýdi surady.
Erbolat Dosaev «Elıseı alańy» turǵyn úı kesheni qaýipsizdigi osal jer emes ekenin aıtty.
«Bizde tipti jaryǵy joq kósheler bar. Bul máseleni 2023 jylǵa deıin sheshýdi nıet etip otyrmyz. Beınekamera boıynsha kezeń-kezeńimen alǵa jyljımyz. Naýryzbaı aýdany boıynsha beınekameralardy polıııa departamenti qajet degen jerge eń birinshi kezekte ornatamyz. Jalpy, Prezıdent tapsyrmasyna sáıkes, bıyl Almatyda qosymsha 3050 beınekamerasyn ornatamyz. Kelesi jyly olardyń sanyn ulǵaıtpaqpyz. Ol úshin beınemonıtorıng júıelerin satyp alýǵa qosymsha qarajat qarastyrylady»,- dedi Erbolat Dosaev.
