Almatyda internet-alaiaqtar toby ūstaldy. Olar 6 er adam. Būl turaly Polisia.kz jariialady, dep habarlaidy “Adyrna” ūlttyq portaly.
Aqparatqa säikes, internet alaiaqtar kommunaldyq qyzmet, qūqyq qorǧau organdary, ūlttyq bank, ekınşı deŋgeilı bankter jäne "Azamattarǧa arnalǧan ükımet" qyzmetkerlerınıŋ atyn jamylǧan.
Onlain alaiaqtardyŋ kezektı qūrbany 61 jastaǧy Almaty tūrǧyny boldy.
"Aldymen olar kommunaldyq käsıporyndardyŋ bırınıŋ atynan telefon soǧyp, eseptegış qūralyn auystyramyz degen syltaumen odan SMS-kod beruın sūraǧan. Ärı qarai qylmystyq äreket karapaiym ssenarii boiynşa örbıgen: er adamǧa onyŋ atyna kredit aluǧa äreket jasalǧany turaly habarlanyp, barlyq jinaq aqşasyn "qauıpsız şotqa" audarudy sūraǧan. Saldarynan jäbırlenuşı qylmyskerlerge 500 myŋ teŋgeden 11 ret jıbergen. Jedel jäne arnaiy ıs-şaralar barysynda küdıktıler anyqtalyp, ūstaldy", – dedı Äuezov audany polisiia basqarmasy bastyǧynyŋ orynbasary Töleu Marhamedov.
Polisiia mälımetınşe, keşe keşke olar özderı keŋse dep ataityn jerde ūstaldy. 19 ben 29 jas aralyǧyndaǧy alty er adam qamauǧa alyndy.
Tıntu kezınde poliseiler ūialy telefondardy, sim-kartalardy, noutbukterdı, bank kartalaryn, aqşany jäne banknottardy sanau qūrylǧysyn tärkıledı.
