الەۋمەتتىك جەلىدە "كوزى ويىلعان" ماعجان جۇمابايۇلى، شاكەرىم قۇدايبەردىۇلى، احمەت بايتۇرسىنۇلى، مىرجاقىپ دۋلاتۇلى، جۇسىپبەك ايماۋىتۇلىنىڭ سۋرەتتەرى تاراپ جاتىر. ۇلى بابالارىمىزدى قوس جانارىنسىز جەيدەگە توقىپ، ونى جارنامالاعاندارعا قالىڭ وقىرمان، جۋرناليستەر مەن زيالى قاۋىم نارازىلىق ءبىلدىردى. مۇنداي سوراقى جاعدايعا قر ءماجىلىcىنىڭ دەپۋتاتى قازىبەك يسا قاتتى اشىنىپ، "كوپەستەردى" جازاعا تارتۋعا شاقىردى، دەپ حابارلايدى "ادىرنا" ۇلتتىق پورتالى.
"جۇرەك اۋرۋىمەن ەمحاناعا ءتۇسىپ قالىپ، ەسىمىزدى جيعان سوڭ، ينتەرنەتتى ءبىر قاراپ شىققاننان-اق، بىردەن جۇرەك اۋىرتار جايتكە تاپ بولدىق… بەلگىلى قوعام بەلسەندىسى الما سايلاۋقىزى فەيسبۋكتاعى ءوز پاراقشاسىندا جاريالاعان “توپاستىق پەن ناداندىق” اتتى جازباسىندا الاش ارىستارىنىڭ كوزدەرىن ويىپ الىپ تاستاعان بەينەلەرىن جەيدەلەرگە سالىپ شىعارىپ جاتقان دۇكەن يەلەرىن وتكىر دە، ءادىل سىناپتى.
ء"يا، “Qulan.kz ونلاين كيىم دۇكەنى الاش ارىستارى ماعجان جۇمابايۇلى، شاكەرىم قۇدايبەردىۇلى، احمەت بايتۇرسىنۇلى، مىرجاقىپ دۋلاتۇلى، جۇسىپبەك ايماۋىتۇلدارىنىڭ سۋرەتتەرى بار جەيدەلەردى ساتىپ جاتىر. كيىمدەر «بەس ارىس» كوللەكتسياسى دەپ اتالادى، دەپ جازادى malim.kz سايتى ءتىلشىسى ولجاس قاسىم.ءتىلشىنىڭ جازۋىنشا، كوزى ويىلعان الاش قايراتكەرلەرى بەينەلەنگەن جەيدەنى ءوزىنىڭ وقۋشىسىنىڭ ۇستىنەن كورگەن تاريح ءپانىنىڭ مۇعالىمى ايدوس جاناتۇلى دا، الاش ارىستارىن دارىپتەپ جۇرگەن ەرنات مەلسۇلى دا بۇنداي قورلىققا جول بەرمەۋ كەرەكتىگىن كەسىپ ايتادى، - دەي كەلە دەپۋتات سوراقى جاعدايعا قاتىستى بىرقاتار دەرەكتەردى ءتىزىپ ءوتتى.
سونىمەن قاتار، ۇلت مۇددەسىنىڭ مايدانىندا بۇعىپ قالماعان قازىبەك يسا الاش ارىستارىنىڭ "كوزىن ويىپ" بايىماق بولعانداردى جازاعا تارتۋعا شاقىردى.
- وسى دۇكەننىڭ جاۋاپتى مامانى التىناي قانات ەسىمدى ازاماتشا بۇدان ەشقانداي دا ابەستىك كورمەيدى ەكەن!"الاش ارىستارىنىڭ كوزسىز بەينەسىن جەيدەگە سالىپ، ساتىلىمعا شىعارىپسىزدار. نەلىكتەن مۇنداي ارەكەتكە باردىڭىزدار؟” دەگەن ءتىلشى سۇراعىنا: ء"بىز قازاقي برەند بولساق تا، شاريعاتپەن، مۇسىلمان ءدىنىن ۇستانىپ كيىمدەر ساتامىز. يسلامدا، شاريعاتتا ايتىلعان. كوزى بار زاتتار حارام بولىپ ەسەپتەلەدى. ونداي كوزى بار زاتتاردى سالۋعا بولمايدى. سول سياقتى ادامنىڭ بەتى، كوزى بەينەلەنگەن سۋرەتتەردى ساتۋعا بولماعاندىقتان، ءبىز ولاردىڭ كوزىن الىپ تاستادىق” دەپ جايباراقات جاۋاپ بەرىپتى...
ءيا، ساتىلىپ جاتقان كيىمدەرگە الاش ارىستارى احمەت، مىرجاقىپ، شاكارىم، ماعجان، جۇسىپبەك، ءىلياس، بەيىمبەت، ساكەندەر سەكىلدى تۇلعالارىمىزدىڭ كوزىن ويىپ الىپ تاستاپ بەينەلەۋى قانى باردىڭ قانىن قايناتاتىن ماسقارا عوي!ناعىز “شىققىر كوزىم نە كورىپ تۇر؟”-دەگىزەتىن سوراقىلىق بۇل! زاڭعار تۇلعالارىمىزدى زاعيپ ەتىپ، “سوقىرلار قوعامىنا مۇشە ەتىپ كىرگىزىپ جىبەرگەندەر كىمدەر؟ Qulan.kz ونلاين كيىم دۇكەنىنىڭ مۇنداي ماسقارالىعىنا كىم رۇقسات بەرگەن! بۇلار ءدىني كوزسىز سوقىر ەكەن، ال باقىلاۋعا، رۇقسات بەرۋگە ءتيىستى ورگانداردىڭ دا كوزدەرى سوقىر ما؟سول دۇكەن يەلەرىنىڭ ءوزىن نەمەسە اكە-شەشەسىنىڭ سولاي كوزىن ويىپ الىپ، جەيدەلەرگە سالىپ ساۋداعا شىعارسا، قالاي بولار ەدى؟ وعان ولسە دە بارماس ەدى ولار؟!. بۇل ۇلتتىڭ كوزىن اشقان ۇلىلاردىڭ كوزىن ويىپ الىپ، حالىققا شىعارۋ - ۇلتى ءۇشىن قۇربان بولعان تۇلعالاردى ەكىنشى رەت ءولتىرۋ!ءبىرىنشىسى - بۇدان ءبىر عاسىرداي بۇرىن الاش ارىستارىن تۇگەل اتىپ-اسقان كەڭەس وداعىنىڭ قاندىقول جەندەتتەرىنىڭ جاۋىزدىعى ەدى! ەكىنشىسى - سول الاش ارىستارىنىڭ وزدەرى ارمانداعان تاۋەلسىزدىكتىڭ 31 جىلىندا ءدىني كورسوقىر ۇرپاقتارى توپاستىقپەن ءولتىردى!!! بۇلار بۇنداي تاسناداندىعىمەن، اقشا ءۇشىن ار-نامىستى اتتاپ، تاپتاپ ءوتىپ، قاسيەتتى ءدىنىمىزدىڭ اتىنا كىر كەلتىرىپ وتىر. مەملەكەتتىك ءتيىستى ورگاندار مەن قازاقستان مۇسىلماندارى ءدىني باسقارماسى مۇنداي ساۋدانىڭ كوزىن ۇلت ۇلىلارىنىڭ كوزىن ويىپ الۋمەن تاپقان پايداكۇنەمدەرگە شۇعىل تويتارىس بەرىپ، توقتاتىپ، جاۋاپقا تارتۋى ءتيىس! - دەپ قاداپ ايتتى قازىبەك يسا."ادىرنا" ۇلتتىق پورتالى
