Áleýmettik jelide "kózi oıylǵan" Maǵjan Jumabaıuly, Shákerim Qudaıberdiuly, Ahmet Baıtursynuly, Mirjaqyp Dýlatuly, Júsipbek Aımaýytulynyń sýretteri tarap jatyr. Uly babalarymyzdy qos janarynsyz jeıdege toqyp, ony jarnamalaǵandarǵa qalyń oqyrman, jýrnalıster men zııaly qaýym narazylyq bildirdi. Mundaı soraqy jaǵdaıǵa QR Májiliciniń depýtaty Qazybek Isa qatty ashynyp, "kópesterdi" jazaǵa tartýǵa shaqyrdy, dep habarlaıdy "Adyrna" ulttyq portaly.
"Júrek aýrýymen emhanaǵa túsip qalyp, esimizdi jıǵan soń, ınternetti bir qarap shyqqannan-aq, birden júrek aýyrtar jáıtke tap boldyq… Belgili qoǵam belsendisi Alma Saılaýqyzy feısbýktaǵy óz paraqshasynda jarııalaǵan “Topastyq pen Nadandyq” atty jazbasynda Alash arystarynyń kózderin oıyp alyp tastaǵan beınelerin jeıdelerge salyp shyǵaryp jatqan dúken ıelerin ótkir de, ádil synapty.
"Iá, “Qulan.kz onlaın kıim dúkeni alash arystary Maǵjan Jumabaıuly, Shákerim Qudaıberdiuly, Ahmet Baıtursynuly, Mirjaqyp Dýlatuly, Júsipbek Aımaýytuldarynyń sýretteri bar jeıdelerdi satyp jatyr. Kıimder «Bes arys» kollekııasy dep atalady, dep jazady malim.kz saıty tilshisi Oljas Qasym.Tilshiniń jazýynsha, kózi oıylǵan Alash qaıratkerleri beınelengen jeıdeni óziniń oqýshysynyń ústinen kórgen tarıh pániniń muǵalimi Aıdos Janatuly da, Alash arystaryn dáriptep júrgen Ernat Melsuly da bundaı qorlyqqa jol bermeý kerektigin kesip aıtady, - deı kele depýtat soraqy jaǵdaıǵa qatysty birqatar derekterdi tizip ótti.
Sonymen qatar, Ult múddesiniń maıdanynda buǵyp qalmaǵan Qazybek Isa Alash arystarynyń "kózin oıyp" baıymaq bolǵandardy jazaǵa tartýǵa shaqyrdy.
- Osy dúkenniń jaýapty mamany Altynaı Qanat esimdi azamatsha budan eshqandaı da ábestik kórmeıdi eken!"Alash arystarynyń kózsiz beınesin jeıdege salyp, satylymǵa shyǵarypsyzdar. Nelikten mundaı áreketke bardyńyzdar?” degen tilshi suraǵyna: "Biz qazaqı brend bolsaq ta, sharıǵatpen, musylman dinin ustanyp kıimder satamyz. Islamda, sharıǵatta aıtylǵan. Kózi bar zattar haram bolyp esepteledi. Ondaı kózi bar zattardy salýǵa bolmaıdy. Sol sııaqty adamnyń beti, kózi beınelengen sýretterdi satýǵa bolmaǵandyqtan, biz olardyń kózin alyp tastadyq” dep jaıbaraqat jaýap beripti...
Iá, satylyp jatqan kıimderge Alash arystary Ahmet, Mirjaqyp, Shákárim, Maǵjan, Júsipbek, Ilııas, Beıimbet, Sákender sekildi tulǵalarymyzdyń kózin oıyp alyp tastap beıneleýi qany bardyń qanyn qaınatatyn masqara ǵoı!Naǵyz “Shyqqyr kózim ne kórip tur?”-degizetin soraqylyq bul! Zańǵar tulǵalarymyzdy zaǵıp etip, “Soqyrlar qoǵamyna múshe etip kirgizip jibergender kimder? Qulan.kz onlaın kıim dúkeniniń mundaı masqaralyǵyna kim ruqsat bergen! Bular dinı kózsiz soqyr eken, al baqylaýǵa, ruqsat berýge tıisti organdardyń da kózderi soqyr ma?Sol dúken ıeleriniń ózin nemese áke-sheshesiniń solaı kózin oıyp alyp, jeıdelerge salyp saýdaǵa shyǵarsa, qalaı bolar edi? Oǵan ólse de barmas edi olar?!. Bul Ulttyń kózin ashqan Ulylardyń kózin oıyp alyp, halyqqa shyǵarý - Ulty úshin qurban bolǵan tulǵalardy ekinshi ret óltirý!Birinshisi - budan bir ǵasyrdaı buryn Alash arystaryn túgel atyp-asqan Keńes Odaǵynyń qandyqol jendetteriniń jaýyzdyǵy edi! Ekinshisi - sol Alash arystarynyń ózderi armandaǵan Táýelsizdiktiń 31 jylynda dinı kórsoqyr urpaqtary topastyqpen óltirdi!!! Bular bundaı tasnadandyǵymen, aqsha úshin ar-namysty attap, taptap ótip, qasıetti dinimizdiń atyna kir keltirip otyr. Memlekettik tıisti organdar men Qazaqstan musylmandary dinı basqarmasy mundaı saýdanyń kózin Ult ulylarynyń kózin oıyp alýmen tapqan paıdakúnemderge shuǵyl toıtarys berip, toqtatyp, jaýapqa tartýy tıis! - dep qadap aıtty Qazybek Isa."Adyrna" ulttyq portaly
