توقاەۆ: “رەسەيمەن قارىم-قاتىناسىمىزدى ءارى قاراي جىلجىتۋعا سالماقتى نەگىزدەر بار”

9271
Adyrna.kz Telegram

قاسىم-جومارت توقاەۆ پۋتينمەن كەزدەسۋىندە رەسەيگە قانداي ماقساتپەن كەلگەنىن ايتتى، دەپ جازادى “ادىرنا” ۇلتتىق پورتالى.

“قازاقستان ءۇشىن رەسەي فەدەراتسياسى نەگىزگى ستراتەگيالىق سەرىكتەس مەملەكەت بولادى جانە سولاي بولىپ قالا بەرەدى. ءبىزدى ءتۇرلى سالاداعى تەرەڭ قارىم-قاتىناستار بايلانىستىرادى. ءسىز وڭىرارالىق ىنتىماقتاستىق فورۋمىنىڭ كەزەكتى  وتىرىسىن مەڭزەدىڭىز. بۇل جولى ول ورىنبوردا ءوتىپ جاتىر. مەنىڭ توپشىلاۋىمشا، قارىم-قاتىناسىمىزدى ءارى قاراي جىلجىتۋعا سالماقتى نەگىزدەر بار. ەلدەرىمىز اراسىنداعى ساۋدا كولەمى پاندەميامەن بايلانىستى بۇكىل قيىندىقتارعا قاراماستان 24 ملرد دوللارعا جەتتى. رەسەي كاپيتالىنىڭ ءبىزدىڭ ەلىمىزگە باعىتتالۋىنا قاتىستى ۇلكەن جوسپارىمىز بار. مەن مەملەكەت باسشىسى رەتىندە جانە ءبىزدىڭ ۇكىمەتىمىز ءوزارا ءتيىمدى شارتتار نەگىزىندە رەسەي كاپيتالى قازاقستاندا تۇراقتى جۇمىس ىستەۋى ءۇشىن قولىمىزدان كەلگەننىڭ ءبارىن جاسايمىز. ارىپتەستىك ورناتىلعان سالالاردىڭ ءبارىن تىزبەلەپ اتاۋدىڭ قاجەتى جوق دەپ ويلايمىن. ەكى ەل اراسىنداعى ىنتىماقتاستىقتىڭ دامۋ دەڭگەيىنە كوڭىلىمىز تولادى دەۋگە نەگىز بار. دەي تۇرعانمەن، ءاردايىم العا قاراپ، بەت تۇزەۋىمىز كەرەك. بۇل جەرگە ءدال وسى ماقساتپەن كەلىپ وتىرمىن»، - دەدى توقاەۆ.

“ادىرنا” ۇلتتىق پورتالى

پىكىرلەر