جەتى قازىنانىڭ ءبىرى – زياتكەرلىك ۇستازدىڭ قولىندا

1552
Adyrna.kz Telegram

الماس جەكسەنباەۆ تالدىقورعان قالاسىنداعى نازارباەۆ زياتكەرلىك مەكتەبىنىڭ دومبىرا ۇيىرمەسىنىڭ جەتەكشىسى استانا قالاسىندا وتكەن رەسپۋبليكالىق "جەتى قازىنا" جوباسىنا قاتىسىپ 3-ورىندى يەلەندى.

الماس جەكسەنباەۆ «جەرۇيىق» توبى قۇرامىندا كورەرمەندەرگە حالىق اندەرىنەن پوپۋرري ورىندادى. ولار قازاقتىڭ ءداستۇرلى ءان ونەرى وكىلدەرىنىڭ تانىمال اندەرىن بەس داۋىستا قوسىلا شىرقاپ، كوپشىلكتى ساف ونەردىڭ تۇنىعىمەن سۋسىنداتتى.

اتادان بالاعا مۇرا بولىپ كەلە جاتقان ءتول ونەرىمىزدى، ءان، جىر-تەرمەلەردى، كۇيلەردى، ۇلتتىق قۇندىلىقتارىمىزدى ودان ءارى دامىتىپ، قازىرگى زامان تالابىنا سايكەس جاڭاشالاندىرىپ كەلەمىز. باستى ماقسات – ءداستۇرىمىزدى وسكەلەڭ ۇرپاققا ناسيحاتتاۋ، - دەيدى جاس ءانشى، دومبىراشى الماس جەكسەنباەۆ.

زياتكەرلىك مەكتەبىنىڭ دومبىرا ۇيىرمەسىنىڭ جەتەكشىسى ءوزىنىڭ جەتىكستىگىمەن وقۋشىلارعا قازاق حالقىنىڭ ءداستۇرىن ناسيحاتتاپ عانا قويماي وتانسۇيگىشتىككە تاربيەلەۋدە. تۇڭعىش پرەزيدەنتىمىز نۇرسۇلتان نازارباەۆ «ەلىمىزدىڭ ەرتەڭى – بۇگىنگى جاس ۇرپاقتىڭ قولىندا، بولاشاقتى ءبىلىمدى ۇرپاق ايقىندايدى، ال جاس ۇرپاقتىڭ تاعدىرى – ۇستاز قولىندا» - دەپ اتاپ ايتقان.

بۇگىنگى تاڭدا الماس جەكسەنباەۆ حالىقارالىق، رەسپۋبليكالىق بايقاۋلارىنا قاتىسىپ، بىرنەشە رەت باس جۇلدەگەر اتانعان.  ونىڭ ىشىندە رەسپۋبليكالىق "بوزتورعاي","جاسۇلان", "جاس قانات", " جىرلايدى جۇرەك" بايقاۋلارى، سانك-پەتەربۋرگتە وتكەن "Military songs" حالىقارالىق فەستيۆالىندە 1 ورىن.

 

 

 

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket