قاماۋعا الىنعان وليگارح قايرات بورانباەۆتىڭ نەمەرە ءىنىسى ءابىلحان بورانباەۆ قارجى مونيتورينگى اگەنتتىگىنىڭ قىزمەتكەرلەرىنە پارا بەردى دەگەن كۇدىككە ءىلىندى، دەپ حابارلايدى “ادىرنا” ۇلتتىق پووتالى “ۆرەميا” باسىلىمىنا سىلتەپ.
ايتا كەتەيىك، قايرات بورانباەۆ سەگىز ايدان استام ۋاقىت بويى تەرگەۋ يزولياتورىندا بولدى. ول 25 ميلليارد تەڭگە جىمقىردى دەپ ايىپتالۋدا.
قىركۇيەك ايىنىڭ سوڭىندا فۋتبول كلۋبىنىڭ يەسى 56 جاسقا تولدى، سول كۇنى قازاقستان رەسپۋبليكاسىنىڭ قارجى مونيتورينگى جونىندەگى اگەنتتىگى ونى تەرگەۋ امالدارىن جۇرگىزۋ ءۇشىن الىپ كەتتى.
كەشكە بورانباەۆ كامەراعا قايتارىلدى، بىراق يزولياتور قىزمەتكەرلەرىنە ول، ساۋ ەمەس سياقتى كورىندى. مەديتسينالىق كۋالاندىرۋ ارقىلى قاماۋعا الىنعان ادامنىڭ جەڭىل دارەجەدە ماس بولعانى انىقتالدى.
تەرگەۋ ناتيجەسىندە قارجى مونيتورينگى قىزمەتكەرلەرى سەرگەي شۋلمين مەن قازبەك داۋرەننىڭ شوتتارىنا اقشا جىبەرىلگەنى بەلگىلى بولدى. ونى قايرات بورانباەۆتىڭ ءىنىسى ءابىلحان بورانباەۆ جىبەرگەن.
ۇشەۋى دە قاماۋعا الىندى، قىزمەتكەرلەر پارا الدى دەپ كۇدىكتەلۋدە.
