مەملەكەت باسشىسىنىڭ جارلىعىنا سايكەس، شىمكەنت قالاسىنىڭ اكىمى م.ايتەنوۆتىڭ ءار توقسان سايىنعى جوسپارلى كەزەكتى ەسەپتى كەزدەسۋى بۇگىن ءال-فارابي اۋدانى تۇرعىندارىمەن جالعاستى.
قالا اكىمى مەگاپوليستەگى سوڭعى 9 ايدا اتقارىلعان ىستەردى قورىتىندىلاپ، بايانداما جاسادى.
كەزدەسۋگە 300-دەن استام حالىق، باسقارما باسشىلارى، قوعامدىق كەڭەس مۇشەلەرى، ءماسليحات دەپۋتاتتارى مەن باق وكىلدەرى قاتىستى.
ەسەپتى كەزدەسۋ شىمكەنت قالاسى اكىمدىگىنىڭ ينستاگرامداعى رەسمي پاراقشاسىندا تىكەلەي ەفيردە كورسەتىلدى.
شاhار باسشىسى جىل باسىنان باستاپ مەگاپوليستەگى ەلدىمەكەندەردى ارالاۋ بارىسىندا 125 كەزدەسۋ وتكىزىپ، كوتەرىلگەن 1020 ماسەلەنىڭ ءاربىرى جەكە حاتتاماعا ەنگىزىلىپ، ورىندالۋى ءجىتى باقىلاۋعا الىنعان. ناتيجەسىندە بۇگىنگە دەيىن 500-گە جۋىق ماسەلە شەشىلسە، 377-ءسى جىل سوڭىنا دەيىن شەشىمىن تاباتىن بولادى، ال 195 ماسەلە 2023-2025 جىلدار جوسپارىنا ەنگىزىلدى.
سوڭعى 9 ايدا 12 رەت جەكە قابىلداۋ وتكىزىپ، 1 200-دەن استام ازاماتتىڭ ماسەلەسى تىڭدالدى. 2 341 ماسەلەنىڭ 760-سى ناقتى ءشىمىن تاپسا، 1 476-سى ورىندالۋدا، قالعان ماسەلەلەر زاڭ تالاپتارىنا سايكەس شەشىلەتىن بولادى.
ءال-فارابي اۋدانىنىڭ اكىمى ر. مىڭباەۆ 2 ەلدىمەكەن، 13 شاعىن اۋدان بويىنشا اتقارىلعان جۇمىستار مەن حالىق سۇرانىسىنداعى ينفراقۇرىلىم جۇيەلەرىنىڭ تارتىلۋى، باسپانامەن قامتۋ، ارنايى سپورت جانە بالالار اشاڭشالارىنىڭ سالىنۋى ماسەلەسەنىڭ شەشىمدەرى بويىنشا بايانداما جاسادى.
رەگلامەنتكە ساي سۇراق-جاۋاپ بولىپ، قالا اكىمى م.ايتەنوۆ 30-دان اسا اتاپ ايتقاندا، دەنساۋلىق سالاسى، جۇمىسپەن قامتۋ، ينفراقۇرىلىم، بالالار ويىن الاڭشالارى، قوقىس ماسەلەسى، زاڭسىز عيمارات سالۋ ماسەلەلەرى توڭىرەگىندەگى سۇراقتارعا جاۋاپ بەردى.
جيىن سوڭىندا م.ايتەنوۆ حاتتاماعا ەنگەن ماسەلەلەردىڭ شەشىمى بويىنشا، زاڭ اياسىندا جان-جاقتى جۇمىستار اتقارىلاتىنىن اتاپ ءوتىپ، قوعامدىق ماسەلەلەردىڭ شەشىمىندە بەلسەندىلىك تانىتقان تۇرعىندارعا ريزاشىلىعىن ءبىلدىردى.
شىمكەنت قالاسى اكىمدىگىنىڭ ءباسپاسوز قىزمەتى
