Memleket basşysynyŋ jarlyǧyna säikes, Şymkent qalasynyŋ äkımı M.Äitenovtıŋ är toqsan saiynǧy josparly kezektı eseptı kezdesuı bügın Äl-Farabi audany tūrǧyndarymen jalǧasty.
Qala äkımı megapolistegı soŋǧy 9 aida atqarylǧan ısterdı qorytyndylap, baiandama jasady.
Kezdesuge 300-den astam halyq, basqarma basşylary, qoǧamdyq keŋes müşelerı, mäslihat deputattary men BAQ ökılderı qatysty.
Eseptı kezdesu Şymkent qalasy äkımdıgınıŋ instagramdaǧy resmi paraqşasynda tıkelei efirde körsetıldı.
Şahar basşysy jyl basynan bastap megapolistegı eldımekenderdı aralau barysynda 125 kezdesu ötkızıp, köterılgen 1020 mäselenıŋ ärbırı jeke hattamaǧa engızılıp, oryndaluy jıtı baqylauǧa alynǧan. Nätijesınde bügınge deiın 500-ge juyq mäsele şeşılse, 377-sı jyl soŋyna deiın şeşımın tabatyn bolady, al 195 mäsele 2023-2025 jyldar josparyna engızıldı.
Soŋǧy 9 aida 12 ret jeke qabyldau ötkızıp, 1 200-den astam azamattyŋ mäselesı tyŋdaldy. 2 341 mäselenıŋ 760-sy naqty şımın tapsa, 1 476-sy oryndaluda, qalǧan mäseleler zaŋ talaptaryna säikes şeşıletın bolady.
Äl-Farabi audanynyŋ äkımı R. Myŋbaev 2 eldımeken, 13 şaǧyn audan boiynşa atqarylǧan jūmystar men halyq sūranysyndaǧy infraqūrylym jüielerınıŋ tartyluy, baspanamen qamtu, arnaiy sport jäne balalar aşaŋşalarynyŋ salynuy mäselesenıŋ şeşımderı boiynşa baiandama jasady.
Reglamentke sai sūraq-jauap bolyp, qala äkımı M.Äitenov 30-dan asa atap aitqanda, densaulyq salasy, jūmyspen qamtu, infraqūrylym, balalar oiyn alaŋşalary, qoqys mäselesı, zaŋsyz ǧimarat salu mäselelerı töŋıregındegı sūraqtarǧa jauap berdı.
Jiyn soŋynda M.Äitenov hattamaǧa engen mäselelerdıŋ şeşımı boiynşa, zaŋ aiasynda jan-jaqty jūmystar atqarylatynyn atap ötıp, qoǧamdyq mäselelerdıŋ şeşımınde belsendılık tanytqan tūrǧyndarǧa rizaşylyǧyn bıldırdı.
Şymkent qalasy äkımdıgınıŋ baspasöz qyzmetı
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz