اتىراۋدا جايىق وزەنىنىڭ بەتى ويىلىپ، ەر ادام سۋعا باتىپ كەتتى. بۇل تۋرالى وبلىستىق تجد-نىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
وقىس وقيعا 2022 جىلعى 4 جەلتوقساندا اتىراۋ قالاسىنىڭ جۇمىسكەر اۋىلى تۇسىندا بولعان.
«ساعات 21: 10-دا اتىراۋ وبلىسى تجد جەدەل-قۇتقارۋ جاساعىنىڭ سۇڭگۋىرلەرىنىڭ كۇشىمەن سۋعا باتىپ كەتكەن 1950 جىلى تۋعان ەر ادامنىڭ دەنەسى سۋدان شىعارىلدى.
سونىمەن قاتار، كۋاگەرلەردىڭ كۇشىمەن ونىڭ نەمەرەسى قۇتقارىلىپ، بالالار وبلىستىق اۋرۋحاناسىنا جەتكىزىلدى. دارىگەرلەردىڭ تەكسەرۋىنەن كەيىن ۇيىنە جىبەرىلدى»،—دەپ ءتۇسىندىردى ۆەدومستۆو.
سۋ استى ىزدەستىرۋ جۇمىستارىنا اتىراۋ وبلىسى تجد جەدەل-قۇتقارۋ جاساعىنىڭ 3 سۇڭگۋىرى مەن 1 تەحنيكاسى جۇمىلدىرىلدى.
