جاستار رەسۋرستىق ورتالىعىنىڭ «جايدارمان» دارىندى جاستار اراسىندا قالالىق ½ جارتىلاي فينال ويىنى ءوتتى.
جالپى «جايدارمان» ازىلقويلار مەن تاپقىرلار سايىسى – جاستاردى مادەنيەتتىلىككە تاربيەلەۋ، ينتەللەكتۋالدى دەڭگەيىن كوتەرۋ جانە ومىرلىك دۇرىس باعىت-باعدار بەرۋ مەن قوعام دامۋىنا ۇلەس قوسۋ.
ولاردىڭ ەڭ باستى ەرەكشەلىكتەرى — ءار قويىلىمدا ومىردەگى، ساياساتتاعى، جالپى قوعامداعى بولىپ جاتقان قۇبىلىستاردى وزەك ەتۋىندە. شىعارماشىل جاستار ساحنا مادەنيەتى مەن شەبەرلىك، بي، ءان، ميميكا، سويلەۋ مانەرى، وي ۇشقىرلىعى سياقتى ونەر اتاۋلىنىڭ ءتۇرلى جانرلارىن قامتيدى. قويىلىمدارداعى ءماتىن مازمۇندارىندا كەزدەسەتىن ءازىل-ىسقاقتاردىڭ استارلى ويى قوعامىمىزدا بەلەڭ الىپ جاتقان سان الۋان كەمشىلىكتەردى جەتكىزۋگە قۇرىلادى. اشىعىن ايتقاندا، جايدارمانشىلاردىڭ اسىرەسە جاستار اراسىندا وزىندىك ورىنى بار. جاستاردى ءوز ىستەرىنە جاۋاپكەرشىلىكپەن قاراۋعا، تارتىپتەرى مەن مىنەز-قۇلىقتارىن باقىلاپ، قوعامدىق ورتادا دۇرىس جۇرۋگە بەيىمدەيدى. سونىمەن بىرگە تاپقىرلىققا، شەشەندىككە، دۇرىس سويلەۋ مانەرىن ۇيرەنۋلەرىنە ىقپال ەتەدى. ال جاستار ءوز كەزەگىندە ولاردىڭ ونەرلەرىنە قىزعۋشىلىق تانىتادى.
بۇگىن قالامىزداعى وقۋ ورىندارى اراسىندا وتكەن «جايدارمان» ويىندارىنىڭ ½ فينالدىق كەزەڭىندە 12 كوماندا جارىسقا ءتۇسىپ، ناتيجەسىندە فينالدىق ويىندا 6 كوماندا ونەر كورسەتەتىن بولادى.
