Jastar resýrstyq ortalyǵynyń «Jaıdarman» daryndy jastar arasynda qalalyq ½ jartylaı fınal oıyny ótti.
Jalpy «Jaıdarman» ázilqoılar men tapqyrlar saıysy – jastardy mádenıettilikke tárbıeleý, ıntellektýaldy deńgeıin kóterý jáne ómirlik durys baǵyt-baǵdar berý men qoǵam damýyna úles qosý.
Olardyń eń basty erekshelikteri — ár qoıylymda ómirdegi, saıasattaǵy, jalpy qoǵamdaǵy bolyp jatqan qubylystardy ózek etýinde. Shyǵarmashyl jastar sahna mádenıeti men sheberlik, bı, án, mımıka, sóıleý máneri, oı ushqyrlyǵy sııaqty óner ataýlynyń túrli janrlaryn qamtıdy. Qoıylymdardaǵy mátin mazmundarynda kezdesetin ázil-ysqaqtardyń astarly oıy qoǵamymyzda beleń alyp jatqan san alýan kemshilikterdi jetkizýge qurylady. Ashyǵyn aıtqanda, jaıdarmanshylardyń ásirese jastar arasynda ózindik oryny bar. Jastardy óz isterine jaýapkershilikpen qaraýǵa, tártipteri men minez-qulyqtaryn baqylap, qoǵamdyq ortada durys júrýge beıimdeıdi. Sonymen birge tapqyrlyqqa, sheshendikke, durys sóıleý mánerin úırenýlerine yqpal etedi. Al jastar óz kezeginde olardyń ónerlerine qyzǵýshylyq tanytady.
Búgin qalamyzdaǵy oqý oryndary arasynda ótken «Jaıdarman» oıyndarynyń ½ fınaldyq kezeńinde 12 komanda jarysqa túsip, nátıjesinde fınaldyq oıynda 6 komanda óner kórsetetin bolady.
