الەۋمەتتىك جەلىدە قوعام بەلسەندىسى، ەكىباستۇز قالاسىنا ارنايى بارىپ، تۇرعىندارعا جاردەمدەسىپ جۇرگەن ازامات نۇرقانات قايراتتىڭ قالا اكىمىنىڭ ۇستانىمىنا قاتىستى پىكىر بىلدىرگەن ۆيدەوسى تارادى. ۆيدەودا نۇرقانات قايرات اكىمنىڭ ءسوزىن بايانداپ، ونىڭ حالىقتىڭ ەمەس، قارا باسىن كۇيتتەگەنىن باتىل ايتادى. بۇل تۋرالى "ادىرنا" ۇلتتىق پورتالى حابارلايدى.
- بۇگىنگى تاقىرىپ ەكىباستۇزدىڭ اكىمى تۋرالى بولادى. مەن اكىمنىڭ سىرتىنان سويلەمەي، الدىمەن وزىمەن جولىعايىن دەدىم. كوپشىلىكتىڭ كوزىنشە سۇراق قويدىم. حالىقتىڭ كلەبانوۆقا نارازى ەكەنىن ايتىپ: "كەشىرىم سۇراي ما، شىعىنداردى وتەپ بەرە مە؟" - دەپ ەدىم، باسىن الا قاشتى. حالىققا وزدەرىڭ شاقىرىڭدار دەدى. بارلىق جاۋاپكەرشىلىكتى حالىققا ىسىردى. نەگىزى، اكىم رەتىندە وسى كىسى حالىقتىڭ ءسوزىن سويلەپ شىعۋى كەرەك ەدى. بىراق ولاي بولمادى، سەبەبىن تۇسىندىرەمىن... - دەدى نۇرقانات قايرات.
قازاق اقپارات كەڭىستىگىندە تاراعان بەينەپىكىرگە قاتىستى ءوز كوزقاراسىن تانىتىپ جاتقاندار كوپ. ولاردىڭ كوپشىلىگى اكىمدى حالىق سايلاۋى ءتيىپ دەپ سانايدى.
"ادىرنا" ۇلتتىق پورتالى
