تۇركىستان وبلىسىنىڭ پوليتسەيلەرى كەزەكتى ديپلوم ساتپاق بولعان كۇدىكتىنى ۇستادى. كۇدىكتىنىڭ 1 ميلليون 300 مىڭ تەڭگەگە ديپلوم ساتپاق بولعانى حابارلاندى، دەپ جازادى "ادىرنا" ۇلتتىق پورتالى قازاقپارات-قا سىلتەمە كورسەتە وتىرىپ.
ساۋران اۋداندىق پوليتسيا بولىمىنە جەرگىلىكتى تۇرعىن الاياقتىق قۇربانى بولعانىن ايتىپ شاعىمداندى.
سىرتتاي تانىس ايەل جابىرلەنۋشىنىڭ ۇلىنا ديپلوم الىپ بەرەمىن دەپ اقشا العانى ايتىلدى. ول ءوزىنىڭ مۇنداي كولدەنەڭ قىزمەتى ءۇشىن 1 ميلليون 300 مىڭ تەڭگە سۇراعان بولىپ شىقتى.
قازىر اتالعان فاكتى قر قك 190-بابى «الاياقتىق» بويىنشا تىركەۋگە الىنىپ، تەرگەۋ جۇمىستارى باستالدى.
"ادىرنا" ۇلتتىق پورتالى
ۇقساس جاڭالىقتار
