جوبانىڭ ماقساتى – ءتۇرلى الەۋمەتتىك-مادەني توپتاردىڭ جاستارىنا ارناپ بىرلىك پەن كەلىسىم قاعيداتتارىنا نەگىزدەلگەن بىرىڭعاي مادەني كەڭىستىك جاساۋ. ءىس-شاراعا حيپ-حوپپەرلەر، كوشە بيشىلەرى (برەيك-دانسەرلەر), سكەيتبوردشىلار، فۋتبول فريستايلىنىڭ، ستريتبولدىڭ وكىلدەرى، پاركۋريستەر جانە ت. ب. قاتىستى.
جوبانى سالتاناتتى اشىلۋىندا قر اقپارات جانە قوعامدىق دامۋ ءمينيسترى د. قىدىرالى جانە قر پارلامەنتى ءماجىلىسىنىڭ دەپۋتاتتارى ءسوز سويلەدى.
مينيستر: پرەزيدەنتىمىز قاسىم-جومارت توقاەۆ: "مەن مەملەكەت باسشىسى رەتىندە وسكەلەڭ ۇرپاقتىڭ بولاشاعىنا باسا ءمان بەرەمىن. جاستارىمىز اتقارىلىپ جاتقان اۋقىمدى جۇمىستىڭ، رەفورمالاردىڭ يگىلىگىن مىندەتتى تۇردە كورەدى. ولاردىڭ اراسىندا كوزى اشىق، كوكىرەگى وياۋ، ويى ۇشقىر ازاماتتار از ەمەس. ءبىز وسكەلەڭ ۇرپاققا جول اشۋ ءۇشىن بارلىق جاعدايدى جاساۋىمىز كەرەك" دەگەنى بەلگىلى. اقپارات جانە قوعامدىق دامۋ مينيسترلىگى ءوز كەزەگىندە جاستاردىڭ جان-جاقتى دامۋىنا، الەۋەتى مەن مۇمكىندىكتەرىن شىڭداۋعا قولداۋ كورسەتىپ كەلەدى. قازىرگى تاڭدا جاستار اراسىندا ءتۇرلى الەۋمەتتىك-مادەني توپتار قالىپتاسقان. سۋبمادەنيەت ەتنيكالىق توپتارعا بولىنبەيدى، كەرىسىنشە تالانت، ستيل جانە جالپى ءومىر سالتى ءبىرىنشى ورىنعا شىعادى. ەلىمىزدە قالىپتاسقان بىرلىك پەن كەلىسىم نەگىزدەرى جاستار ءۇشىن بىرىڭعاي مادەني كەڭىستىكتى قالىپتاستىرۋعا مۇمكىندىك بەرەدى", - دەدى.
قاتىسۋشىلار ەكى كۇن ىشىندە بارلىق ۇسىنىلعان پاندەر بويىنشا مامانداندىرىلعان الاڭداردا جارىسادى، سونداي-اق، ءوز داعدىلارىن دامىتىپ، كاسىبي تاجىريبەلەرىن ايتىپ بەرەدى.
18 جەلتوقسان كۇنى ساعات 19.00-دە جەڭىمپازداردى ماراپاتتاۋ جانە فەستيۆالدىڭ جابىلۋ سالتاناتى وتەدى.
"ادىرنا" ۇلتتىق پورتالى
