Jobanyń maqsaty – túrli áleýmettik-mádenı toptardyń jastaryna arnap birlik pen kelisim qaǵıdattaryna negizdelgen biryńǵaı mádenı keńistik jasaý. Is-sharaǵa hıp-hopperler, kóshe bıshileri (breık-danserler), skeıtbordshylar, fýtbol frıstaılynyń, strıtboldyń ókilderi, parkýrıster jáne t. b. qatysty.
Jobany saltanatty ashylýynda QR Aqparat jáne qoǵamdyq damý mınıstri D. Qydyráli jáne QR Parlamenti Májilisiniń depýtattary sóz sóıledi.
Mınıstr: Prezıdentimiz Qasym-Jomart Toqaev: "Men Memleket basshysy retinde óskeleń urpaqtyń bolashaǵyna basa mán beremin. Jastarymyz atqarylyp jatqan aýqymdy jumystyń, reformalardyń ıgiligin mindetti túrde kóredi. Olardyń arasynda kózi ashyq, kókiregi oıaý, oıy ushqyr azamattar az emes. Biz óskeleń urpaqqa jol ashý úshin barlyq jaǵdaıdy jasaýymyz kerek" degeni belgili. Aqparat jáne qoǵamdyq damý mınıstrligi óz kezeginde jastardyń jan-jaqty damýyna, áleýeti men múmkindikterin shyńdaýǵa qoldaý kórsetip keledi. Qazirgi tańda jastar arasynda túrli áleýmettik-mádenı toptar qalyptasqan. Sýbmádenıet etnıkalyq toptarǵa bólinbeıdi, kerisinshe talant, stıl jáne jalpy ómir salty birinshi orynǵa shyǵady. Elimizde qalyptasqan birlik pen kelisim negizderi jastar úshin biryńǵaı mádenı keńistikti qalyptastyrýǵa múmkindik beredi", - dedi.
Qatysýshylar eki kún ishinde barlyq usynylǵan pánder boıynsha mamandandyrylǵan alańdarda jarysady, sondaı-aq, óz daǵdylaryn damytyp, kásibı tájirıbelerin aıtyp beredi.
18 jeltoqsan kúni saǵat 19.00-de jeńimpazdardy marapattaý jáne festıvaldiń jabylý saltanaty ótedi.
"Adyrna" ulttyq portaly
