جەلتوقسانشىلاردى “لاڭكەسكە” تەڭەگەن شەنەۋنىك قىزمەتىنەن شەتتەتىلدى

7193
Adyrna.kz Telegram

جەلتوقسانشىلاردى “لاڭكەسكە” تەڭەگەن شەنەۋنىك قىزمەتىنەن شەتتەتىلدى. بۇل تۋرالى جۋرناليست جەڭىس وسپانوۆ ءوزىنىڭ فب پاراقشاسىندا حابارلادى، دەپ جازادى “ادىرنا” ۇلتتىق پورتالى.

“بيىل 15 جەلتوقساندا «امانات» پارتياسىنىڭ اقمولا وبلىستىق فيليالىنا ج.ج.كايمردەنوۆتەن ساندىقتاۋ اۋداندىق «امانات» پارتياسىنىڭ اتقارۋشى حاتشىسى ل.لوۆياگينانىڭ 1986 جىلعى جەلتوقسان وقيعاسىنا قاتىسۋشىلاردىڭ اتىنا جاعىمسىز پىكىرلەر ايتقاندىعى تۋرالى جازباشا ارىز كەلىپ ءتۇستى.

19 جەلتوقساندا وبلىستىق پارتيا فيليالىنىڭ پارتيالىق باقىلاۋ كوميسسياسى قىزمەتتىك تەكسەرۋ جۇرگىزۋ ءۇشىن ساندىقتاۋ اۋدانىنا باردى. 22 جەلتوقساندا پارتيا فيليالىنىڭ ساياسي كەڭەسىنىڭ بيۋروسىندا قىزمەتتىك تەكسەرۋ ناتيجەلەرى شىعىپ، ل.ا. لوۆياگينا اتقارىپ وتىرعانقىزمەتىنەن بوساتىلدى.

"امانات" پارتياسىنىڭ اقمولا وبلىستىق فيليالى - دەپ جازىپتى.كەشەگى جازعان جانايقايمىز جوعارعى تاراپقا جەتتى. اقمولا وبلىسىنىڭ ساندىقتاۋ اۋدانىنداعى "امانات" پارتياسىنىڭ فيليال باسشىسى ل.ا. لوۆياگينا قىزمەتىنەن كەتىپ، كەشىرىم سۇرادى. قازاق ەشقاشان لاڭكەس بولماعان. ءبىزدىڭ ءوز ەلىمىز، پرەزيدەنتىمىز، زاڭىمىز تاۋەلسىز مەملەكەتىمىز بار. ونى قورعايمىز دا، قولدايمىز دا!!!”،- دەپ جازدى جۋرناليست.

“ادىرنا” ۇلتتىق پورتالى

پىكىرلەر