قىزىلوردا قالاسىنا قاراستى تاسبوگەت كەنتىندە ورناتىلعان جاڭاجىلدىق شىرشا ورتەنىپ كەتتى. بۇل تۋرالى قىزىلوردا وبلىستىق توتەنشە جاعدايلار دەپارتامەنتى جاريالادى، دەپ حابارلايدى “ادىرنا” ءتىلشىسى.
112 قۇتقارۋ قىزمەتىنە 1 قاڭتاردا ساعات 2.01-دە قالا ىرگەسىندە ورنالاسقان تاسبوگەت كەنتىندە جاڭاجىلدىق شىرشا جانىپ جاتقانى جونىندە حابارلاما ءتۇستى.
«اتالعان شاقىرتۋ بويىنشا №4 ءورت ءسوندىرۋ بولىمىنەن 7 قىزمەتكەر 1 تەحنيكامەن وقيعا ورنىنا باردى. ءورت 2.07-دە وقشاۋلانىپ، 2.08-دە تولىق ءسوندىرىلدى. شىعىن مولشەرى انىقتالۋدا»، - دەدى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.
