Qyzylorda qalasyna qarasty Tasbóget kentinde ornatylǵan jańajyldyq shyrsha órtenip ketti. Bul týraly Qyzylorda oblystyq Tótenshe jaǵdaılar departamenti jarııalady, dep habarlaıdy “Adyrna” tilshisi.
112 qutqarý qyzmetine 1 qańtarda saǵat 2.01-de qala irgesinde ornalasqan Tasbóget kentinde jańajyldyq shyrsha janyp jatqany jóninde habarlama tústi.
«Atalǵan shaqyrtý boıynsha №4 órt sóndirý bóliminen 7 qyzmetker 1 tehnıkamen oqıǵa ornyna bardy. Órt 2.07-de oqshaýlanyp, 2.08-de tolyq sóndirildi. Shyǵyn mólsheri anyqtalýda», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
